26 listapada viciablanie ŭskłali kvietki da pomnika Ŭładzimieru Karatkieviču. Siońnia piśmieńniku spoŭniłasia b 89 hadoŭ, piša Radyjo Svaboda.
Pomnik Uładzimieru Karatkieviču ŭ Viciebsku pastavili ŭ 1994 hodzie. Jon staić u parku Partyzanskaj słavy na rahu vulic, jakija nosiać imiony Čechava i Suvorava. Imiem piśmieńnika nazvanaja adna z vulic spalnaha rajonu Bileva, jakim horad raście ŭ maskoŭskim kirunku.
U honar Uładzimiera Karatkieviča nazvanaja nievialikaja biblijateka na pačatku Maskoŭskaha praspektu z memaryjalnaj ekspazycyjaj «Ziamla pad biełymi kryłami».
Staražytny Viciebsk byŭ adnoj z temaŭ tvorčaści Ŭładzimiera Karatkieviča. U 1973 hodzie jon napisaŭ histaryčnuju pjesu «Zvany Viciebska», pryśviečanuju padziejam 1623 hodu, kali pravasłaŭnyja mieścičy paŭstali suprać unijackaha archijapiskapa Jazafata Kunceviča. Tvor byŭ pastaŭleny na scenie Kołasaŭskaha teatru.
Pavodle tvoraŭ Karatkieviča teatar staviŭ spektakli «Dzikaje palavańnie karala Stacha», «Leanidy nia viernucca na ziamlu», «Chrystos pryziamliŭsia ŭ Harodni», «Ładździa rospačy», «Niezahojnaja rana». Darosłuju versiju «Ładździ rospačy» maje i viciebski teatar «Lalka».
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary