Brytanski hurt «Belarus»
paraŭnoŭvajuć z «Radiohead». Praŭda, jon nia maje nijakaha dačynieńnia da našaj krainy. Hitaryst Met Kiłfard raskazvaje pra «Belarus» dla «NN».
— Ja pracavaŭ u hitarnaj kramie «Kiempterz», Li časta zachodziŭ, i my padoŭhu hutaryli pra muzyku. Dejv Karyhan dałučyŭsia da nas jak basist. Jon hraŭ z nami da minułaha hodu, pokul nia vyrašyŭ syści. Jaho vabili padarožžy. Mienavita my ŭtroch sfarmavali hurt «Spacehopper». Marcin pryjšoŭ praz dva hady, Ryč — u jakaści bubnača, vyzvaliŭšy ad hetaj roli Li, jakomu davodziłasia być bubnačom i śpievakom adnačasova. Li staŭ našym frontmenam, źmianiŭšy bubny na hitaru. Heta dazvoliła nam zrabić nasyčanym huk. My źmianili nazvu na «Belarus» — uźnikli prablemy ź minułym łejbłam.
— Čamu «Belarus»?
— My prosta vybirali nazvy sa śpisu i nikoli pa-sapraŭdnamu heta nie abdumvali — prosta palubiłasia słova «Belarus». Ale ciapier my kudy bolš viedajem pra hetu krainu, jejny narod, pračytaŭšy šmat artykułaŭ u Internecie. Da taho ž Alaksandar Hleb tut hulaje za «Arsenał».
— Jakija vašyja muzyčnyja zacikaŭleńni? Što ty słuchaješ apošnim časam?
— My ŭsie słuchajem bahata roznych muzyčnych stylaŭ i zaŭždy abmieńvajemsia kružełkami novych cikavych hurtoŭ, jakija znachodzim.
— Raskažy bolš pra albom «Communicate».
— Albom vyjdzie ŭviesnu. Na dysku budzie 11 trekaŭ, niekatoryja hučać, jak sapraŭdnyja himny. Z nami hraŭ strunny kvartet na troch trekach. Prosta adlot! Albom adlustroŭvaje toje, čym my ciapier jość jak hurt. My šmat eksperymentavali, užyvali miłahučnyja hitarnyja ryfy, uzmacnialniki, klavišnyja. Ludzi kažuć, što my stvarajem epičnuju muzyku, tamu što my robim sapraŭdny arkiestravy huk na scenie. Hety termin nie źviazany ź lirykaj, a chutčej z melodykaj i hučańniem.
— Jakija kancerty vy planujecie za miežami Karaleŭstva? Ci chacieli b vystupić u Biełarusi?
— Ja dumaju, što luby hurt z radaściu vystupaŭ by ŭ roznych krainach.
— Jakija-niebudź finalnyja słovy našym biełaruskim čytačam, siarod jakich, mahčyma, źjaviacca i vašyja feny?
— Pierš za ŭsio viasiołych Kaladaŭ i z Novym hodam! And rock on!..
❏
Hurt składajecca ź Li Ałdera (vakał, hitara), Meta Kiłfarda (hitara), Ryčarda Vojsa (bas), Martyna Taŭnsenda (klavišy) i Ryčarda Milina (bubny). Krytyki paraŭnoŭvajuć «Belarus» z «Radiohead». U 2006 hurt vypuścić pieršy poŭnafarmatny albom «Communicate».
Kamientary