Stop-fejk: praź internet sprabavali ŭkinuć dezu pra toje, što źbity Cichanoŭski trapiŭ u balnicu
Prychilniki zatrymanaha błohiera Siarhieja Cichanoŭskaha abvinavačvajuć hamielčuka Jaŭhiena Katlarova (viadomaha ŭ sacsietkach jak «Jevhienij Kakojta») u sprobie zapuścić fejk.
Katlaroŭ raspaŭsiudžvaŭ aŭdyjozapis, u jakim śćviardžałasia, što Cichanoŭski byŭ źbity i znachodzicca ŭ balnicy Homiela. Navat ukazvaŭsia numar pałaty — 307 ci 308.
Kali prychilniki błohiera pryjšli ŭ balnicu, daktary skazali, što Cichanoŭskaha tam niama.
Čytajcie. Milicyja prakamientavała zatrymańnie błohiera Siarhieja Cichanoŭskaha
A paśla akazałasia, što aŭdyjozapisu, jaki raspaŭsiudžvaŭ Katlaroŭ, siem miesiacaŭ.
Katlaroŭ viadomy tym, što ŭ studzieni 2019 padmanuŭ ahienctva BiełaPAN. Jon paviedamiŭ u sacsietkach pra zatrymańnie vydumanaha ŭdzielnika Kurapackaj vachty «Mikity Kancavoha». Redaktar BiełaPANa pavieryŭ jamu i nie staŭ spraŭdžvać infarmacyju ŭ milicyi, bo siłaviki zvyčajna nie kamientujuć padobnyja vypadki.
Kali BiełaPAN apublikavaŭ infarmacyju, Katlaroŭ staŭ radasna raskazvać, što vykryŭ sutnaść niezaležnych ŚMI.
-
U Biełaruś prylacieŭ prezident Kuby
-
«Možam i ŭ futboł pahulać, i razam na šavuchu schadzić». Futbalist sa Słonima, jaki staŭ ksiandzom, raskazaŭ pra svajo žyćcio i pryncypy
-
«Uražańnie, što ty kasmanaŭt, jaki viarnuŭsia z dalokaha palotu». Były palitviazień Andrej Kuźniečyk raskazaŭ pra svaju resacyjalizacyju
Kamientary