U suviazi z COVID-19 školnyja vypusknyja ŭ hetym hodzie admianili. Atestaty 11-kłaśnikam uručać va ŭračystych abstavinach. A što budzie z apošnim zvankom? — zadaŭsia pytańniem Tut.by.
Pieršapačatkova apošni zvanok dla vučniaŭ 9 i 11 kłasaŭ staličnych siarednich škoł pavinien byŭ praźvinieć 29 maja, dla vučniaŭ z astatnich rehijonaŭ — 30 maja.
Adnak situacyja z COVID-19 ŭniesła karektyvy. Jak raspaviali TUT.BY u Hałoŭnym upraŭleńni vychavaŭčaj raboty i maładziožnaj palityki Ministerstva adukacyi, sioleta viedamstva rekamiendavała škołam nie pravodzić apošnija zvanki. Ź mierapryjemstvaŭ pa zaviaršeńni navučalnaha hoda, tłumačać śpiecyjalisty, budzie arhanizavana tolki ŭručeńnie atestataŭ.
— Mierapryjemstvaŭ pa zaviaršeńni navučalnaha hoda vielmi šmat, u tym liku i apošni zvanok, tamu my nie rekamiendujem jaho pravodzić, — adznačyli va ŭpraŭleńni.
Va ŭpraŭleńni tłumačać: mahčyma, u viaskovych škołach abo ŭ škołach maleńkich haradkoŭ, dzie ŭsiaho pa adnym nievialikim kłasie, dla vypusknikoŭ možna niešta arhanizavać.
Ale kali havorka idzie pra haradskija škoły, dzie ŭ paralelach pa čatyry-piać kłasaŭ, plus na śviata pryjduć baćki, — «heta ŭžo masavaje mierapryjemstva». Pravodzić jaho ŭ viedamstvie nie rekamiendujuć.
— Ale kančatkovaje rašeńnie zastajecca za škołaj?
— Biezumoŭna, škoła sama prymaje rašeńnie zychodziačy z kankretnaj situacyi.
Kamientary