Kali Babaryku nie zarehistrujuć, mohuć źniacca ŭsie, aproč Kanapackaj

U štabach pretendentaŭ u prezidenty razhladajucca samyja roznyja viersii dalejšaj stratehii ŭdziełu ŭ vybarach.

Pavialičyć

Napeŭna, zusim mizernyja šancy prajści rehistracyju ŭ byłoha kiraŭnika PVT Valeryja Capkały. CVK pryznaŭ sapraŭdnymi tolki 75 tysiač podpisaŭ, zdadzienych u jahonuju padtrymku. Viadoma, Capkała budzie abskardžvać hetaje rašeńnie, ale ŭsie razumiejuć, što małavierahodna, kab jaho admianili.

Usio bolej sihnałaŭ prychodzić adnosna taho, što mohuć nie zarehistravać i byłoha bankira Viktara Babaryku, jaki na hety momant znachodzicca ŭ SIZA i prachodzić u jakaści abvinavačanaha pa niekalkich kryminalnych spravach. Babaryka paśpiachova pieraadoleŭ etap zboru podpisaŭ, ale praciahvajecca pravierka jaho dekłaracyi ab dachodach i majomaści. Čym jana skončycca — pakul niezrazumieła.

U takich umovach, kali dvoje hałoŭnych kankurentaŭ Łukašenki mohuć być nie zarehistravanyja, uźnikaje pytańnie ab udziele ŭ vybarach inšych patencyjnych kandydataŭ.

Pa infarmacyi «Našaj Nivy», Śviatłana Cichanoŭskaja i jaje štab absalutna nie suprać taho, kab źniacca z vybaraŭ. Faktyčna pra nieŭdzieł u vybarach havaryŭ i sam Siarhiej Cichanoŭski.

Jaki dalejšy płan dziejańniaŭ u Andreja Dźmitryjeva, Siarhieja Čeračnia i Hanny Kanapackaj? Usich hetych kandydataŭ pryniata ličyć spojlerami — tymi, chto budzie stvarać masoŭku na dadzienych vybarach, nijak nie pretendujučy na pieramohu.

Tym nie mienš, pa našaj infarmacyi, razmovy pra źniaćcio viaducca i ź Siarhiejem Čeračniem, i z Andrejem Dźmitryjevym. Abodva kandydaty nie vyklučajuć takoj mahčymaści. Lidar «Hramady» Čeračań maryć stać kandydatam, tamu imkniecca nie rabić rezkich zajavaŭ. Ale zastajecca vierahodnaść taho, što jon nie budzie ŭdzielničać u dni hałasavańnia.

Toje samaje možna skazać i pra Andreja Dźmitryjeva, jaki ličyć, što ŭ vypadku nierehistracyi Babaryki i Capkały zmoža być adzinym demakratyčnym kandydatam. Ale nakolki viadoma «Našaj Nivie», i jon nie vyklučaje źniaćcia. 

Zatoje eks-deputatka Pałaty pradstaŭnikoŭ Hanna Kanapackaja nie źbirajecca sychodzić z prezidenckaj kampanii. Jana nie idzie ni ŭ jaki kantakt z pradstaŭnikami inšych štaboŭ.

Tym nie mienš krynicy «Našaj Nivy» paviedamlajuć, što Kanapackaja ź vialikaj naściarohaj pastaviłasia da prapanovy ŭklučyć jaje, Dźmitryjeva i Čeračnia ŭ śpis nieŭjaznych u ES, kali jany ŭsio ž buduć udzielničać u vybarach.

Čytajcie taksama:

Na Čeračnia cisnuć, kab jon pryznaŭ 143 tysiačy podpisaŭ, jakija jamu «naličyła» CVK

Palitołah Usaŭ: Kali Čeračań, Kanapackaja, Dźmitryjeŭ nie źnimucca z vybaraŭ, chaj Jeŭrasajuz nakładzie na ich sankcyi

• 0
• 0
• 0
• 0
• 0
• 0
• 0
• 0