Internet zachaplajecca dyrektaram sielskaj škoły, jaki «parvaŭ zahad falsifikavać vybary». Dyrektar: takoha nie było
U sacyjalnych sietkach raźlaciełasia historyja pra dyrektara Pałačanskaj škoły, jaki pajšoŭ suprać sistemy.
Pišuć, što pa ŭsich škołach Maładziečanskaha rajona razasłali raznaradku — zabiaśpiečyć jaŭku piersanała na daterminovyja vybary. Maŭlaŭ, dyrektary razdaduć biuleteni i pravierać, kab ptušačka stajała nasuprać patrebnaha proźvišča. Va ŭsich škołach tak i płanujuć rabić, aproč Pałačanskaj, dzie dyrektar nibyta pryludna razarvaŭ zahad i skazaŭ, što ludzi buduć hałasavać tak, jak paličać patrebnym.
Historyja nabrała ŭžo amal 300 pierapostaŭ i dziasiatki zachaplalnych kamientaroŭ.
«Naša Niva» źviazałasia z dyrektaram Pałačanskaj škoły Paŭłam Zakružnym. Jon abviarhaje historyju.
«Jana nie adpaviadaje rečaisnaści. Mnie ludzi pierasłali dopis, ale ja nie viedaju, što heta za čałaviek, jaki jaho napisaŭ. Takoha nie było, nichto nikoha nie źbiraŭ. Tym bolš u našaj ustanovie adukacyi vybarčaha ŭčastku niama. Heta niapraŭda», — prakamientaŭ Pavieł Zakružny.
Ciapier čytajuć
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary