Patryjarch Maskoŭski Kirył zaklikaŭ pastvu nie vieryć čutkam pra jaho, piša interfax.ru.
«Kali vy čytajecie samyja žudasnyja rečy pra patryjarcha, pra archirejaŭ, pra śviataroŭ, pamiatajcie, što tam navat kropli praŭdy zvyčajna nie byvaje, ale ŭsio heta nakiravana na toje, kab tych, chto praŭdu Božuju abviaščaje, skampramietavać tak, kab narod pierastaŭ ich słuchać i daviarać. Nu što ty nam kažaš, ty pahladzi, što pra ciabie pišuć!» — skazaŭ jon u chramie praroka Illi ŭ Maskvie.
Patryjarch adznačyŭ, što «hetaj spakusie padviarhajucca nie tolki miranie», i raspavioŭ, jak adnojčy adzin archirej paprasiŭ jaho ab finansavaj dapamozie z asabistych srodkaŭ, spasłaŭšysia na toje, što majomaść patryjarcha nibyta składaje 6 młrd dalaraŭ. «Hetaje tryźnieńnie dasiahnuła śviadomaści archireja, i jon u jaho pavieryŭ», — panarakaŭ kiraŭnik RPC.
«Usio toje, što kažuć i pišuć, heta čaściej dla taho, kab my pierastali havaryć Božuju praŭdu, — ličyć jon. — Jak tolki budziem havaryć toje, što pryjemna čuć mocnym śvietu hetaha, nijakaj krytyki ŭ adras Carkvy nie budzie, usio imhnienna źniknie, na rukach buduć nasić».
Kamientary