Z vybarčaj kamisii ŭ Minsku ŭsio ž vyklučyli nastaŭnicu z falšyvymi podpisami
Miesiac tamu «Naša Niva» raskazvała, jak u vybarčyja kamisii ŭklučajuć svaich ludziej u abychod zakonu. Na ŭčastku №42 Pieršamajskaha rajona Minska ŭ dźviuch nastaŭnic, jakija vyłučalisia ad hramadzian, supali ŭsie 10 podpisaŭ. Ale jany akazalisia ŭ składzie kamisii.
Heta hrubaje parušeńnie zakanadaŭstva. Zhodna z artykułam 35 Vybarčaha kodeksa, hramadzianie mohuć vyłučać u kamisiju tolki pa adnym pradstaŭniku.
A adna z nastaŭnic — Vieranika Harbačova — adkryta pryznałasia: nijakija podpisy jana nie źbirała.
Čytajcie. «Ja nie źbirała podpisy». Dźviuch nastaŭnic uklučyli ŭ vybarčuju kamisiju ŭ abychod zakonu
Admietna, što druhuju nastaŭnicu — Halinu Repinu — sa składu kamisii ŭ vyniku vyklučyli. Na sajcie administracyi Pieršamajskaha rajona stalicy apublikavana rašeńnie ad 30 červienia, pavodle jakoha skład kamisii źmienšyli z 13 da 12 čałaviek i prybrali adtul Repinu.
«Naša Niva» źviarnułasia pa kamientar da staršyni ŭčastkovaj kamisii Aksany Piatrovič. Ale jana kinuła słuchaŭku, jak tolki pačuła pra žurnalistaŭ. Nie staŭ ničoha tłumačyć i staršynia rajonnaj kamisii Dźmitryj Šašok (jon ža kiraŭnik Pieršamajskaha rajona), spasłaŭšycia na šalonuju zaniataść u hetyja dni.
Ciapier čytajuć
Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam24
Kamientary