Kačanava pryjazdžała na BT vieści pieramovy z rabotnikami, na Makajonka jaje čakali sotni demanstrantaŭ, ale jana tak i nie vyjšła FOTA
Jak pieradajuć karespandenty «Našaj Nivy», Natalla Kačanava pryjechała na Biełaruskaje telebačańnie dla pieramovaŭ z rabotnikami. Unutry budynka na Makajonka, 9 — Natalla Kačanava, Natalla i Ivan Ejsmanty, jakija terminova pryjechali na BT, dzie pracaŭniki rychtavali zabastoŭku: jany admaŭlajucca pakazvać niapraŭdu ŭ efiry.
Kali supracoŭniki telebačańnia paviedamili pra heta ŭ Telehramie, tudy pačali źjazdžacca ludzi z susiednich kvartałaŭ. Ciapier pad ścienami BT kala 700 demanstrantaŭ skandzirujuć «Trybunał!». Na prystupki pakłali dyvanok sa słovam «sumleńnie». Padtrymać mirnych udzielkaŭ akcyi pryjechała Maryja Kaleśnikava sa štaba Viktara Babaryki.
Demanstranty kala budynka BT vitajuć avacyjami tych supracoŭnikaŭ, jakija vychodziać z budynka ź biełymi stužkami i znakam «Pieramoha». Nahadajem, što ŭ budynku Kačanava i Ejsmanty, a ich čakajuć tysiačy demanstrantaŭ, pieradajuć karespandenty «NN».
Z budynka z vokličam «Žyvie Biełaruś!» vyjšaŭ apieratar Andrej Jarašejeŭ, padzialiŭsia svaimi ŭražańniami: «Sustreča biessensoŭnaja. Kačanava abaraniała amapaŭcaŭ».
Da demanstrantaŭ kala BT dałučyłasia Hanna Bond. Jana kaža, na BT užo bolšaść — za praŭdu. «U nas u siamji taksama zatrymali plamieńnika, my troje sutak nie viedali, dzie jon», — emacyjna raskazvaje jana pra «čornyja dni», jak jana vykazałasia pra 9—11 žniŭnia.
Praź niejki čas u budynak uvajšło niekalki amapaŭcaŭ. Natalla Kačanava tak i nie źjaviłasia pierad hramadzianami.
Ciapier čytajuć
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary