Arcybiskup Kandrusievič: Inšadumcaŭ ni ŭ jakim vypadku nielha ličyć «adščapiencami» ci vorahami — heta šlach da kanfrantacyi
catholic.by
Pra heta mitrapalit Minska-Mahiloŭski Tadevuš Kandrusievič skazaŭ u subotu ŭ Brasłavie padčas uračystaściaŭ u honar Maci Božaj Vaładarki Azioraŭ, paviedamlaje catholic.by.
«Zhodna z ducham Jevanhiella i sacyjalnaha vučeńnia Kaścioła, ułada pavinna słužyć ludziam i dbać pra ahulnaje dabro ŭsich biez vyklučeńnia hramadzianaŭ, — skazaŭ Tadevuš Kandrusievič. —
U sučasnym demakratyčnym hramadstvie narmalnaj spravaj pavinna być roźnica pohladaŭ, a inšadumcaŭ ni ŭ jakim vypadku nielha ličyć «adščapiencami» ci vorahami — heta šlach da kanfrantacyi. Pry hetym kožnaja palityčnaja i hramadskaja siła pavinna słužyć nie svaim vuzkim intaresam i vyhodam, a ŭsiamu narodu.
Kab heta adbyłosia, nieabchodnaja pieramiena sercaŭ. Heta pieršy i samy važny krok, jaki my pavinny zrabić na šlachu da pieramien, jakich my čakajem. Bieź pieramieny serca nie budzie sapraŭdnaj pieramieny hramadstva», — śćvierdziŭ arcypastyr.
***
Nahadajem, što Łukašenka siońnia ŭ Hrodnie zajaviŭ: «Mianie ździŭlaje pazicyja našych kanfiesij. Darahija maje śviatary, spyniciesia i zajmiciesia svajoj spravaj. U chramy ludzi pavinny prychodzić malicca! Cerkvy, kaścioły — nie dla palityki. Tudy ludzi dušoj pavinny prychodzić, jak heta było zaŭsiody, — skazaŭ Łukašenka. — Nie idzicie na pavadzie ŭ adščapiencaŭ. Vam budzie soramna i haniebna za toje, jakuju vy, niekatoryja, pazicyju zajmajecie ciapier. I dziaržava z abyjakavaściu na heta hladzieć nie budzie».
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary