U kramu «Admietnaść» u Hrodnie 24 žniŭnia pryjšli supracoŭniki finansavaj milicyi ź pieratrusam.
Jany patłumačyli, što ŭłaśnik kramy siabra BCHD Siarhiej Vieramiejenka prachodzić śviedkam u kryminalnaj spravie ab «arhanizacyi biesparadkaŭ», paviedamlaje Radyjo Svaboda ŭ svaim telehram-kanale.
Pieratrus išoŭ 2,5 hadziny. Im kiravaŭ namieśnik načalnika Słonimskaha adździaleńnia departamentu finansavych raśśledavańniaŭ. Napačatku jon doŭha nia moh patłumačyć, što mienavita buduć šukać. Vieramiejenka nie chacieŭ puskać milicyjantaŭ usiaredzinu, pakul tyja nie pakažuć dakumenty na pieratrus. U peŭny momant milicyjant mocna šturchanuŭ dźviery kramy i faktyčna ŭvarvaŭsia ŭ jaje, pry hetym paškodziŭ ułaśniku kramy palcy na nazie.
U vyniku z kramy zabrali 27 vialikich bieł-čyrvona-biełych ściahoŭ z tkaniny, bolš za 40 maleńkich nacyjanalnych ściažkoŭ, bolš za 40 skuranych branzaletaŭ z vyjavaj bieł-čyrvona-biełaha ściaha. Da taho ž zabrali papiery ź infarmacyjaj pra vyniki hałasavańnia na peŭnych vybarčych učastkach Horadni i «Deklaracyju ab vychadzie z palityčnaha kryzisu».
-
«Novych piatrušak vypuścili, chutka paśmiajomsia». Boty jak pa mietadyčcy kamientujuć vyzvaleńnie palitviaźniaŭ
-
Bialacki pra pieršy dzień na voli: Psichałahična ja dzieści jašče tam, ale situacyja dla mianie nie novaja
-
Jaŭhien Bułka: Siońnia taki dzień, kali kožny biełarus maje prava na čyrvonuju pamadu
Ciapier čytajuć
Vyzvalenym i departavanym va Ukrainu palitviaźniam nie addali pašparty5
Kamientary