Lekar-infiekcyjanist pryjomnaha adździaleńnia haradskoj kliničnaj infiekcyjnaj balnicy Minska Mikita Sałaviej u fejsbuku raskazaŭ pra simptomy hrypu i jaho lačeńnie.
Doktar adznačaje, što amal usie pacyjenty ŭ balnicy z hrypam nie pryščaplalisia ŭ hetym hodzie.
«Šmat šumu ŭ ŚMI vakoł «hankonhskaha» virusa H3N2. Napraŭdu heta zvyčajny varyjant hrypu A (H3N2), jaki cyrkuluje ŭžo šmat hadoŭ razam z hrypam A(H1N1) i hrypam B. Kožny siezon moža «lidziravać» adzin ź ich, ale ŭsie try zdolnyja vyklikać ciažki chod infiekcyi i ŭskładnieńni», — adznačaje miedyk.
Čym hryp adroźnivajecca ad prastudy? Heta nie zvyčajnaje VRVI, tłumačyć Sałaviej. Padčas hrypu čałavieku vielmi drenna ahułam: vysokaja tempieratura i vyjaŭlenaja intaksikacyja — hałoŭnaja pryčyna zvarotaŭ pa dapamohu.
Typovyja simptomy hrypu:
-
tempieratura amal zaŭsiody vyšejšaja za 38°C, časta 39—40°C, trymajecca 3—5 dzion
-
mocnaja słabaść, łamanina ŭ ciahlicach i sustavach
-
intensiŭny hałaŭny bol
-
bol u vačach, śviatłabojaź, ślozaciačeńnie
-
kašal i nasmark časta źjaŭlajucca na 1—2 dzień paśla tempieratury
-
kašal suchi, ciažka adkašlacca
-
u dziaciej, radziej u darosłych, mahčymyja młosnaść, vanity, dyjareja, bol u žyvacie
Isnujuć ekspres-testy i PCR dla vyznačeńnia hrypu, ale čaściej lekar stavić dyjahnaz pa typovaj klinicy i ahladzie.
Doktar Sałaviej tłumačyć, jakoje lačeńnie pryznačajuć:
«Adziny preparat z dakazanaj efiektyŭnaściu — asieltamivir. Asabliva efiektyŭny, kali pačać u pieršyja 48—72 hadziny chvaroby, — chutka spyniaje dalejšaje raźvićcio hrypu.
Jon asabliva važny dla ciažarnych (dazvoleny na lubym terminie, źnižaje ryzyku ciažkaha chodu). Inšych srodkaŭ z dakazanaj efiektyŭnaściu suprać hrypu ŭ nas niama».
Lahčej pieranieści hryp taksama dapamahaje šmat vadkaści (luboj, minimum 30 mł/kh + 10 mł/kh na kožny hradus pavyšeńnia tempieratury cieła zvyš 37 hradusaŭ u sutki raŭnamierna na praciahu dnia) i žarapanižalnyja (paracetamoł, ibuprafien, kali tempieratura vyšejšaja za 38,5 hradusa).
«Antybijotyki patrebnyja tolki pry bakteryjalnych uskładnieńniach, nikoli ŭ pieršyja dni. I pryznačaje ich tolki lekar!» — adznačaje miedyk.
Dla prafiłaktyki važnaja štohadovaja vakcynacyja.
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»2
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary