«Hazpram» u 2020 hodzie moža zarabić na pastaŭkach hazu ŭ Biełarusi kala $560 młn, vynikaje z apublikavanych materyjałaŭ jaho daččynaj biełaruskaj kampanii AAT «Hazpram transhaz Biełaruś», piša Interfaks.
U ramkach raskryćcia infarmacyi ab ździajśnieńni bujnych ździełak kampanija paviedamiła, što raźlikovy košt hazu, što pastaŭlajecca ad «Hazprama» dla AAT «Hazpram transhaz Biełaruś», składaje ŭ 2020 hodzie aryjencirovačna $2,69 młrd.
Paviedamlajecca taksama, što košt pastavak hazu pa ŭzajemaźviazanych ździełkach pamiž «Hazpram transhaz Biełaruś» z adnaho boku i «Biełpalivahaz» razam z rehijanalnymi abłhazami z druhoha, aryjencirovačna składaje $3,25 młrd.
Takim čynam, roźnica ad pieraprodažu hazu ŭ karyść rasijskaha pastaŭščyka ŭ 2020 hodzie składaje kala $560 młn.
Kamientary