Pra heta ministr kultury Biełarusi Anatol Markievič raspavioŭ vydańniu smartpress.by.
Pa jaho słovach, praca viadziecca karpatlivaja. Na kastynh prychodziać i maładyja ludzi, i z vopytam. «Vielmi šmat idzie moładzi. Vy viedajecie, dla ich honar trapić u trupu Kupałaŭskaha. Užo bolš za 20 čałaviek prajšli kastynh. Rašeńnie pa kandydaturach prymaje mastacki saviet», — skazaŭ jon.
Ministr dadaŭ, što idzie praca nad novaj viersijaj «Paŭlinki» — śpiektakl moža być pradstaŭleny na scenie ŭžo ŭ pieršaj dekadzie studzienia.
Viadoma, što na hałoŭnuju rolu pretendujuć try aktrysy, ale ich imiony pakul nie nazyvajuć.
— Ja byŭ u teatry ŭžo nie adnojčy, nastroj u kalektyvu pazityŭny, pa ŭsich pazicyjach jość razumieńnie, — śćviardžaje Anatol Markievič. U trupie budzie 40-46 akcioraŭ. Mienavita takaja kolkaść nieabchodna, kab stavić paŭnavartasnyja śpiektakli.
Nahadajem, u kancy žniŭnia z Kupałaŭskaha teatra zvolnilisia 58 čałaviek.
Zajavy jany napisali paśla taho, jak za vykazvańnie ab hvałcie zvolnili hiendyrektara Kupałaŭskaha teatra Paŭła Łatuški. Siarod zvolnienych narodnyja artysty Biełarusi Zoja Biełachvościk, Arnold Pamazan, zasłužanyja artysty Alona Sidarava, Julija Špileŭskaja, Ihar Dzianisaŭ, Natalla Kačatkova, Hieorhij Malaŭski. Artysty Pavieł Charłančuk, Raman Padalaka, Michaił Zuj, Dźmitryj Jasianievič, Valancina Harcujeva, Śviatłana Anikiej. Mastacki kiraŭnik Mikałaj Pinihin i ŭsie režysiory.
U kastryčniku jany z pośpiecham prezientavali anłajn novuju viersiju «Tutejšych».
Ciapier čytajuć
Z YouTube vydalili kanały BiełTA, STB i ANT. Ułady pahražajuć kontrmierami22
Kamientary