Zvalniajuć aŭtarytetnaha dyrektara muzieja historyi Mahilova Alaksieja Baciukova
Z Alaksiejem Baciukovym, dyrektaram Muzieja historyi Mahilova, nie padaŭžajuć kantrakt. Apaviaščeńnie ab hetym datujecca 4 studzienia. Dyrektar budzie pracavać na svajoj pasadzie da 16 lutaha.
U kastryčniku minułaha hoda Baciukoŭ byŭ aštrafavany na 621 rubiel za ŭdzieł u troch akcyjach pratestu.
Baciukoŭ kiravaŭ muziejem z 2011 hoda. Jon byŭ adnym z samych zaŭvažnych mieniedžaraŭ kultury krainy. Za hety čas ustanovie ŭdałosia na achviaravańni hramadzian i pradpryjemstvaŭ viarnuć u Biełaruś i papoŭnić svaju kalekcyju kaštoŭnymi artefaktami. Siarod ich Statut Vialikaha Kniastva Litoŭskaha. Heta była ŭnikalnaja padzieja dla biełaruskaj kultury. «Naša Niva» nazvała tady Alaksieja Baciukova Čałaviekam hoda ŭ 2012-m.
Raniej dyrektar muzieja razam z šaściu padnačalenymi padpisaŭ adkryty list, u jakim asudžałasia «niematyvavanaja žorstkaść supracoŭnikaŭ pravaachoŭnych orhanaŭ», i adznačałasia, što «hramadzianie nie adčuvajuć siabie ŭ biaśpiecy». Siarod patrabavańniaŭ była adstaŭka Łukašenki.
Ciapier Baciukoŭ adkryty dla prapanoŭ novaj pracy i vyvučaje prahramavańnie.
Raniej byli zvolnienyja dyrektar Niaśvižskaha pałaca i muzieja-siadziby «Pružanski pałacyk». Pa infarmacyi «Našaj Nivy», pierachodzić na inšuju pracu i dyrektar Nacyjanalnaha histaryčnaha muzieja Pavieł Sapoćka.
Ciapier čytajuć
Turecki łaŭreat premii Čečki byŭ u zachapleńni ad Biełarusi i režymu ŭ joj. A paśla trapiŭ na Akreścina3
Kamientary