Ministerstva finansaŭ paviedamlaje, što ŭ studzieni 2021 hoda na ŭnutranym finansavym rynku realizavana dziaržaŭnych doŭhaterminovych ablihacyj na 626,17 młn dalaraŭ, što bolš, čym za ŭvieś minuły hod, piša Tut.by.
Pry hetym praź Biełaruskuju valutna-fondavuju biržu realizavanyja ablihacyi ŭsiaho na 0,2 młn dalaraŭ.
Za ŭvieś minuły hod Minfin pradaŭ na ŭnutranym finansavym rynku dziaržaŭnyja doŭhaterminovyja ablihacyi na sumu 300 młn rubloŭ i 463,44 młn dalaraŭ. U tym liku praź biržu — na 225,56 młn dalaraŭ.
Ekśpierty finansavaha rynku adznačajuć, što astatnija ablihacyi ŭ studzieni vykupili biełaruskija banki. Taki miechanizm nie ŭ pieršy raz u Biełarusi vykarystoŭvajecca dla taho, kab padtrymać składanaje finansavaje stanovišča pramysłovych hrandaŭ abo restrukturavać ich daŭhi. U pačatku hoda ŭ składanaj situacyi apynuŭsia Biełaruski mietałurhičny zavod.
Kamientary