«Ty jabaćka, preč adsiul». Łukašenka abvinavaciŭ pryvatny biznes u niełajalnaści
Niehatyŭnuju reakcyju Łukašenki vyklikaŭ vystup Žanny Tarasievič — dyrektara Biznes-sajuza pradprymalnikaŭ i najmalnikaŭ imia Kuniaŭskaha. Jana prasiła nie pieraśledavać biznes roznymi pravierkami.
U adkaz Łukašenka ŭmiašaŭsia (zvyčajna vystup udzielnikaŭ idzie za vystupam), pačaŭ krytykavać pryvatny biznes.
Skazaŭ, što hety «razboj z rehistracyjaj» treba spynić.
Pryvodzić prykład, jak čynoŭniki, ludzi ŭ formie chadzili ŭ pryvatnyja miedycynskija centry, a im kažuć: «Ty — jabaćka, my ciabie lačyć nie budziem».
Druhi prykład, jak adna žurnalistka dziaržaŭnaha ŚMI pryjšła ŭ dziciačy sadok, a joj — von adsiul. Pryčym, pa słovach Łukašenki, heta było jak u pryvatnym sadku, tak i ŭ dziaržaŭnym.
Prajšoŭsia jon pa sučasnych technałohijach. «Ja ŭžo nie kažu pra dvanaccatyja ajfony. Chočacie — kuplajcie, kab kožnuju chvilinu amierykancy adsočvali, dzie vy znachodziciesia. Razumnyja ludzi daŭno šukajuć knopačnyja telefony», — skazaŭ jon.
«Ach, ciapier usie paracca pra Babaryku, što jaho pasadzili. Dy plavać ja chacieŭ! Nabudavaŭ majomaści ŭ Turcyi, u nas takija asabniaki mieŭ, što nichto nie maje. Dziaciej va ŭsio heta ŭciahnuŭ. Ja što, pavinien byŭ spakojna na heta hladzieć!» — skazaŭ Łukašenka.
«Usialakich IPešnikaŭ pryviadziom u pačućcio», — pryhraziŭ jon.
Pra ŭsieahulnuju zabastoŭku:
«Dzień salidarnaści! U paniadziełak! Kala 200 pradpryjemstvaŭ zakrylisia ŭ Minsku! I chto jany ŭ nas? Deficytnyja? Asobnyja handlovyja kropački, kafešački. Jak ja pavinien byŭ pastupić? Ja papiaredziŭ Kamitet dziaržkantrolu: zakrylisia — kab ni adno nie adkryłasia».
«Dziaržava pierad biznesam na kaleni nie stanie», — skazaŭ jon.
Čamu YouTube vydaliŭ kanały BiełTA, STB i ANT? Voś što viadoma4
Kamientary