U arhanizatarki vystavy pra miedykaŭ prajšoŭ pieratrus. Jana nie vychodzić na suviaź
U zdymnaj kvatery ŭ aktyvistki i adnaho z arhanizataraŭ vystavy pra biełaruskich miedykaŭ «Mašyna dychaje, a ja — nie» Natalli Treninaj prajšoŭ pieratrus, padčas jakoha kanfiskavali techniku. Ciapier dziaŭčyna nie vychodzić na suviaź. Pra heta paviedamiŭ jaje chłopiec Cimur, paviedamlaje Tut.by.
U druhoj pałovie dnia 5 krasavika Natalla Trenina pierastała vychodzić na suviaź. Pa słovach jaje chłopca, u ich kvatery prajšoŭ pieratrus. Kanfiskavali dva noŭtbuki, adzin ź jakich naležyć Cimuru, a taksama ćviordyja dyski chłopca.
Natalla Trenina — aktyvistka aśvietnicka-sacyjalnaha hramadskaha abjadnańnia «Źviano» i pa sumiaščalnictvie adna z arhanizataraŭ vystavy «Mašyna dychaje, a ja — nie». Ekspazicyja zapracavała ŭ prastory «Miesca» na Revalucyjnaj 30 sakavika, a ŭžo 1 krasavika sanstancyja i MNS znajšli la placoŭki parušeńni, tamu vystavu daviałosia zakryć.
Aficyjnaj infarmacyi ab situacyi pakul niama.
Vystava «Mašyna dychaje, a ja — nie» pryśviečanaja biełaruskim miedykam i vyklikam, ź jakimi jany sutyknulisia za apošni hod: pandemijaj COVID-19 i palityzacyjaj sistemy achovy zdaroŭja. Aŭtary rabot, pradstaŭlenych na vystavie, — viadomyja fatohrafy i mastaki. Kuratary prajekta-płatforma SHKLO+, arhanizatary — hramadskaje abjadnańnie «Źviano».
Kamientary