Adpaviedny dopis ad jaho imia źjaviŭsia ŭ instahramie, paviedamlaje meduza.io.
Sa słoŭ Navalnaha, za minułyja tydni «dziakujučy vielizarnaj padtrymcy dobrych ludziej va ŭsioj krainie i va ŭsim śviecie» jamu ŭdałosia damahčysia, što jaho dvojčy abśledavaŭ kansilium cyvilnych daktaroŭ, a ciapier jamu addajuć vyniki i vysnovy miedycynskich daśledavańniaŭ.
Palityk nahadaŭ, što daktary, jakim jon całkam daviaraje, napiaredadni vypuścili «zajavu ab tym, što my z vami damahlisia taho, kab ja źniaŭ haładoŭku». «Nu i — skažu ščyra — ich słovy pra toje, što analizy pakazvajuć: «Praź minimalny čas lačyć budzie niama kaho» — … mmm… zdajucca mnie hodnymi ŭvahi», — adznačyŭ Navalny.
Palityk taksama skazaŭ, što jašče adnym arhumientam dla spynieńnia haładoŭki stała toje, što ŭ znak salidarnaści ź im na anałahičny krok pajšli niekalki inšych ludziej.
«Siabry, majo serca poŭna lubovi i padziaki da vas, ale ja nie chaču, kab chtości z-za mianie adčuvaŭ fizičnyja pakuty. Patrabavańnie dapuścić da mianie nieabchodnaha doktara ja nie zdymaju — u mianie źnikaje adčuvalnaść učastkaŭ ruk i noh, i ja chaču zrazumieć, što heta i jak heta lačyć, ale z ulikam prahresu i ŭsich abstavinaŭ, pačynaju vychad z haładoŭki. Pa praviłach heta zojmie tyja ž 24 dni, i, kažuć, heta navat ciažej».
Alaksiej Navalny haładaŭ z 31 sakavika.
Polšča pryznała Alaksandra Mašenskaha niepažadanaj asobaj27
Kamientary