Krynicy: Palityčnaja amnistyja mahčymaja, u orhanach užo pačali składać śpisy palitviaźniaŭ
Jak stała viadoma «Našaj Nivie», u atmaśfiery strohaj sakretnaści pačali składacca śpisy asob, jakija mohuć trapić pad akt palityčnaj aministyi. Składańniem śpisaŭ zajmajecca adzin sa śledčych orhanaŭ.
Usio robicca ŭ atmaśfiery strohaj tajny, praces rehulujecca dakumientam, zahnanym pad «DSK» (dla słužbovaha karystańnia).
Ahulnaha razumieńnia, chto trapić u śpisy, pakul niama. Nam viadoma tolki pra jurydyčnuju «drabiazu» — naprykład, u śpisy dakładna ŭklučyli ludziej, asudžanych za naniasieńnie nadpisaŭ.
«Składańnie hetych śpisaŭ nie aznačaje, što jany buduć realizavanyja, ale rečy pakazvajuć na toje, što palityčnaja amnistyja moža być», — patłumačyli nam abaznanyja.
Heta suadnosicca ź infarmacyjaj ab tym, što «palityčnym» pačali prapanoŭvać pisać pakajalnyja listy i ŭ miescach adbyćcia pakarańniaŭ, i navat u SIZA.
Stanam na 15 červienia ŭ Biełarusi 481 palitviazień, mnohija z tych, chto znachodzicca ŭ izalatarach i ŭ kałonijach pa palityčnych pryčynach, jašče takimi nie pryznanyja.
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary