Stali viadomyja samyja hučnyja proźviščy z novaha sankcyjnaha śpisu Jeŭrasajuza
U novym pakiecie jeŭrapiejskich sankcyj, jaki źbirajucca apublikavać užo 21 červienia, siarod inšaha buduć biznesmieny Alaksiej Aleksin, Alaksandr Zajcaŭ, Siarhiej Ciacieryn, Alaksandr Šatroŭ, a taksama Michaił Huceryjeŭ. Pra heta paviedamili krynicy «Našaj Nivy».
Piersanalnyja sankcyi farmalna ŭpłyvajuć tolki na rachunki i vizy čałavieka, ale na praktycy jeŭrapiejskija kampanii i banki pačynajuć usprymać niepažadanymi i biznesy padsankcyjnych asob. Jaskravy prykład — mocny ŭdar pa biznes-impieryi Alaksandra Šakucina.
Jakija miescy zajmajuć pieraličanyja ludzi ŭ rejtynhu samych paśpiachovych biznesmienaŭ Biełarusi — 2019?
Aleksin — 4-je miesca. Jon zajmajecca palivam, taksama vałodaje «Tabakierkami».
Zajcaŭ — 10-je miesca. Jaho śfiery ŭpłyvu — łahistyka, budoŭla. Zajcaŭ viadzie biznes z AAE.
Šatroŭ — 54-je miesca. Ź im asacyjujecca brend «Sinezis» i sistemy intelektualnaha videanazirańnia, zdolnyja identyfikavać ludziej u natoŭpie pa tvary. «Sinezis» užo pad sankcyjami, tamu kampanii byli pierajmienavanyja.
Ciacieryn tolki na 108-m miescy. Jon pieradusim viadomy jak blizki paplečnik Alaksandra Łukašenki. A jaho biznes datyčyć dystrybucyi ałkaholu i praduktaŭ, a taksama rynku telerekłamy.
Narešcie Huceryjeŭ — pieradusim rasijski biznesmien. Ź Biełaruśsiu jaho źviazvaje «Słaŭkalij» i budaŭnictva Niežynskaha horna-abahaščalnaha kambinata. Nu i padarunki Alaksandru Łukašenku kštałtu «Majbacha».
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary