«U Alaksandra jość harantavanaje miesca ŭ kamandzie, a rašeńnie pra heta pryniata hałoŭnym trenieram Piepam Hvardyjołaj. Hleb usim zadavoleny ŭ «Barsiełonie», - kaža jaho ahient.
Ahient Uli Fierbier paviedamiŭ vydańniu Sport pra toje, što ŭ nastupnym siezonie jaho klijent — paŭabaronca zbornaj Biełarusi Alaksandr Hleb — budzie vystupać za «Barsiełonu».
«My atrymali čatyry‑piać prapanovaŭ z Anhlii i Niamieččyny. Kłub viedaje pra ich, ale spartovy dyrektar Čyki Biehirystajn zajaviŭ, što ŭ Alaksandra jość harantavanaje miesca ŭ kamandzie, a rašeńnie pra heta pryniata hałoŭnym trenieram Piepam Hvardyjołaj. Hleb usim zadavoleny ŭ «Barsiełonie».
***
Alaksandr Hleb pierajšoŭ u katałonski kłub z łondanskaha «Arsienała» hod tamu.
13 vieraśnia ŭ matčy suprać «Rasinhu» atrymaŭ traŭmu, doŭha lačyŭsia, a, viarnuŭšysia, straciŭ miesca ŭ asnoŭnym składzie. Usiaho ŭ siezonie za kłub zhulaŭ kala 57% matčaŭ (19 u čempijanacie Ispanii, siem - u Lizie čempijonaŭ, vosiem - u karaleŭskim Kubku).
Zavajavaŭ razam z kłubam tytuł čempijona Ispanii, uładalnika Kubka, pieramožca Lihi čempijonaŭ. Praŭda, u finalnym matčy ŁČ navat nie byŭ zajaŭleny na hulniu.
Kamientary