Stała viadoma, što sudździ Minskaha rajona na vyjaznym pasiadžeńni razhledzieli spravy jašče šaściarych čałaviek, jakich zatrymali na śviatkavańni dnia naradžeńnia vakalistki muzyčnaha fentezi-fołk hurta IRDORATH Nadziei Kałač, paviedamlajuć pravaabaroncy.
Maryja Padalak, Alaksandr Sinkievič, Dźmitryj Šymanski, Jaŭhien Srecienski, Michaił Arakčejeŭ i Alaksiej Pałaŭčenia byli aryštavanyja na 15 sutak. Usich zatrymanych sudzili pa art. 24.3 KaAP za toje, što jany nie adčynili varoty siłavikam.
Nahadajem, 2 žniŭnia na leciščy, dzie Nadzieja Kałač śviatkavała dzień naradžeńnia, supracoŭniki HUBAZiKa i SACHRa zatrymali 16 čałaviek. Na nastupny dzień pres-słužba MUS paviedamiła, što na dziesiaciarych čałaviek skłali pratakoły za niepadparadkavańnie supracoŭnikam milicyi, a suprać jašče šaściarych raspačali kryminalnyja spravy za ŭdzieł u žnivieńskich maršach.
Ciapier čytajuć
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary