«Homieltransnafta» na troje sutak abmiežavała prapampoŭku nafty. Što adbyvajecca?
«Homieltransnafta» na troje sutak abmiežavała prapampoŭku nafty pa naftapravodzie «Družba» ŭ napramku Polščy praz «pazapłanavy ramont» na adnoj ź vietak trubapravoda. Heta adbyłosia na fonie pahrozaŭ Łukašenki pra mahčymaje pierakryćcio hazu, kali Jeŭropa ŭviadzie novyja sankcyi. Niaŭžo dajšło i da nafty? Sprabujem razabracca.
«Homieltrnasnafta»: Abmiežavańnie prapampoŭki nafty pa «Družbie» z palitykaj nie źviazanaje
Naftapravod «Družba» zabiaśpiečvaje pastaŭki nafty na biełaruskija NPZ i jaje tranzit u Jeŭropu. Trubapravod biare svoj pačatak u Samarskaj vobłaści, prachodzić praz Bransk, dalej dzielicca na paŭnočny i paŭdniovy ŭčastak, prachodzić praź Biełaruś, Ukrainu, Polšču, Čechiju, Słavakiju, Hiermaniju, Vienhryju, Łatviju i Litvu.
Na aficyjnym sajcie «Homieltrnasnafta» ni pra jakija prablemy naohuł nie zhadvajecca. Navinaŭ na temu prypynieńnia prapampoŭki nafty ŭ bok Polščy, jak i aficyjnych kamientaryjaŭ na hety kont, pakul niama.
My datelefanavalisia ŭ pryjomnuju «Homieltrnasnafty», što zajmajecca pierapampoŭkaj nafty z rasijskaj častki naftapravoda «Družba» ŭ napramku krain Zachodniaj i Uschodniaj Jeŭropy i zabiaśpiečvaje vuhlevadarodnaj syravinaj biełaruskuju naftachimiju.
«Abmiežavańnie prapampoŭki nafty pa «Družbie» z palitykaj nie źviazanaje. Na adnym z učastkaŭ naftapravoda pačalisia pazapłanavyja ramontnyja raboty», — prakamientavali na pradpryjemstvie.
«NN»: «Jašče jakija-niebudź krainy, akramia Polščy, z-za ramontu naftapravoda ciapier naftu niedaatrymlivajuć»?
«Prapampoŭka abmiežavanaja tolki ŭ kirunku polskaj Adamavaj Zastavy. Pakul što na troje sutak», — adkazaŭ nam surazmoŭca.
«NN»: «Paśla zakančeńnia ramontu patrebny abjom nafty ŭ Polšču pryjdzie»?
«Płan miesiaca nie pierahladaŭsia. Bolš skazać niama čaho», — dadaŭ pradstaŭnik «Homieltrnasnafty» i pakłaŭ trubku.
Ekśpiert: «Vyhladaje, heta taki sihnał na fonie kryzisu, što ŭ Biełarusi, jak tranziciora, jość ryčahi ŭpłyvu na Polšču»
«Uvohule, takija vypadki, jakija vymahajuć ramontu, zdarajucca. Ale, jašče niama nijakaj infarmacyi, što ž tam adbyłasia za avaryja, pryčyna nie nazvanaja, i nie jasna — my majem spravu z technahiennaj ci palityčnaj źjavaj.
Vyhladaje, heta taki sihnał na fonie kryzisu, što ŭ Biełarusi, jak tranziciora, jość ryčahi ŭpłyvu na Polšču.
Ale, my ž pastaŭlajem nie svaju naftu, a čužuju, pastaŭki harantavanyja kantraktami pamiž Polščaj i Rasijaj, Biełaruśsiu i Rasijaj.
Kali jany buduć sarvanyja, to ŭźniknuć jurydyčnyja prablemy ŭ biełaruskaha apieratara i rasijskaha pastaŭščyka, u toj čas jak palaki u vypadku zachavańnia situacyi spynieńnia pastavak majuć alternatyŭnyja šlachi.
Kali z Rasii pajšła «brudnaja nafta» pa biełaruskaj trubie, to Polšča pavialičyła pastaŭki praz Hdańsk, kudy taksama moža pastaŭlacca i rasijskaja, i paŭnočnaja nafta. Ab spynieńni zavodaŭ u Polščy havorka nie idzie», — skazała ekśpiert Taćciana Manionak.
***
Nahadajem, znosiny Biełarusi i Polščy pahoršylisia z-za mihracyjnaha kryzisu, jaki abvastryŭsia ŭ listapadzie. Na miažy dźviuch krain ciapier znachodziacca niekalki tysiač biežancaŭ, jakija praz terytoryju Biełarusi namahajuccaa patrapić u Jeŭrasajuz.
Učora, 16 listapada, hrupa mihrantaŭ pasprabavała prarvacca praz punkt propusku «Bruzhi», polskija siłaviki ŭžyli suprać ich vadamioty i ślozatačyvy haz.
Krainy JEZ rychtujuć čarhovy pakiet sankcyj suprać biełaruskich uładaŭ, Minsk pahražaje ŭ adkaz pierakryć tranzit hazu pa trubapravodzie «Jamał-Jeŭropa».
Čytajcie taksama:
Što budzie ź biełaruskaj ekanomikaj, kali Polšča zakryje miažu, a Łukašenka — tranzit hazu?
Ciapier čytajuć
Uvodziać adkaznaść za prapahandu homaseksualnaści, biaździetnaści, a taksama za niezakonnaje pradstaŭleńnie Biełarusi na mižnarodnaj arenie9
Kamientary