Za hety kłub biełarus paśpiachova vystupaŭ z 2000 pa 2005 hady.
28-hadovy biełaruski paŭabaronca Alaksandr Hleb pryniaŭ rašeńnie viarnucca ŭ niamiecki «Štuthart», za jaki jon vystupaŭ z 2000 pa 2005 hod.
«Barsiełona» addaje Hleba ŭ arendu terminam na dziesiać miesiacaŭ biez prava dalejšaha vykupu, paviedamlaje football.by
U sieradu Hleb prajšoŭ miedycynskaje abśledavańnie, a siońnia, miarkujecca, padpiša kantrakt.
Nahadajem, što raniej paviedamlałasia, što biełarus budzie addadzieny ŭ arendu miłanskamu «Interu». Jon mieŭsia stać źvianom u pierachodzie ŭ «Barsu» švieda Złatana Ibrahimaviča, a ŭ «Inter» adpravilisia b kamieruniec Samiuel Eto'O, Hleb i 46 miljonaŭ jeŭra. Ale pieramovy ahienta Hleba Mikałaja Špileŭskaha z kiraŭnictvam «nieradzury» ni da čoha nie pryviali.
Padčas vystupaŭ za «Štuthart» byŭ adnym ź lideraŭ kamandy, zhulaŭ 137 matčaŭ, zabiŭ 13 hałoŭ. Zatym Hleb try siezony pravioŭ u łondanskim «Arsienale», letam 2008 h. pierajšoŭ u «Barsiełonu», ale nie zdoleŭ zamacavacca ŭ asnoŭnym składzie najlepšaj na siońnia kamandzie kantynienta.
***
1 žniŭnia «Štuthart» raspačnie siezon matčam na Kubak Niamieččyny hulnioj z kłubam «Rehijanalnaj lihi - Poŭdzień» kłubam «Zońnienhof».
Čempijanat Niamieččyny startuje 7 žniŭnia.
U pieršym tury «Štuthart» naviedacca ŭ hości da čempijona krainy «Volfsburha», 15 žniŭnia zhulaje doma z debiutantam bundeślihi «Frajburham», za jaki hetaj zimoj - viasnoj hulaŭ Vital Radzivonaŭ.
Voźmie «Štuthart» udzieł u plej-of kvalifikacyi Lihi čempijonaŭ (18-19, 25-26 žniŭnia).
U minułym siezonie kłub zaniaŭ 3-je miesca, u siezonie 2006/2007 vyjhraŭ bundeślihu.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić4040
Kamientary