Rasija i Polšča stvorać dva supolnyja centry vyvučeńnia masavych rasstrełaŭ polskich aficeraŭ u Katyni.
Rasija i Polšča stvorać dva supolnyja centry vyvučeńnia masavych rasstrełaŭ polskich aficeraŭ u Katyni.
Pra heta 1 vieraśnia na sumiesnaj pres-kanfierencyi damovilisia rasijski premjer Uładzimir Pucin i jahony polski kaleha Donald Tusk. Premjery abmierkavali mahčymuju pracu dźviuch hrup, jakaja praduhledžvaje raskryćcio archivaŭ. «Kali našy śpiecyjalisty buduć mieć dostup da vašych archivaŭ, vašy buduć mieć dostup da našych», – adznačyŭ U.Pucin.
D.Tusk u svaju čarhu adznačyŭ, što «praŭda moža być balučaj, ale jana nikoha nie moža prynizić». «Ja vielmi surjozna staŭlusia da zajavy spadara Pucina pra raskryćcio archivaŭ i zhodny na heta na ŭmovie ŭzajemnaści, — adznačyŭ polski premjer. — Vialikija narody, a mienavita takimi źjaŭlajucca rasiejcy i palaki, nie pavinny bajacca praŭdy».
I amal adrazu łahodny adkaz polskaha premjera źmianiŭsia na bolš žorstkuju acenku. Nichto ŭ Polščy nie zabudzie, kolki svajoj kryvi pralili tut savieckija sałdaty, skazaŭ jon. I pracytavaŭ adnaho ź vienhierskich piśmieńnikaŭ: «Jany vyzvalili nas, ale nie mahli dać svabody, bo sami jaje nie mieli».
Rasstreł u 1940 hodzie polskich aficeraŭ u Katyni źjaŭlajecca adnoj z krynic napružanaści ŭ polska-rasijskich adnosinach. Svajaki zabitych palakaŭ nieadnojčy sprabavali reabilitavać ich praz rasijskija sudy. U 2008 hodzie rasijskija śpiecsłužby pieradali Polščy archivy, źviazanyja z hetaj rasstrełam.
Ciapier čytajuć
Z YouTube vydalili kanały BiełTA, STB i ANT. Ułady pahražajuć kontrmierami44
Kamientary