Jany, imavierna, źbirajuć siły ŭ peŭnych rajonach Zaparožskaj i Chiersonskaj abłaściej, piša amierykanski Instytut vyvučeńnia vajny.
Rasijskija vojski, mahčyma, rychtujucca da zaciažnych apieracyj na poŭdni Ukrainy i płanujuć nastup z metaj zachopu astatniaj častki poŭnačy Chiersonskaj vobłaści i prasoŭvańnia da horada Zaparožža, niahledziačy na adsutnaść jakich-niebudź paćvierdžanych pośpiechaŭ na paŭdniovym kirunku.
Chiersonskaja abłasnaja dziaržaŭnaja administracyja zajaviła, što rasijskija vojski papaŭniajuć svaju hrupoŭku ŭ Vysakopolli i Archanhielsku na poŭnačy Chiersonskaj vobłaści ŭ čakańni ŭzmacnieńnia bajavoj aktyŭnaści ŭ rajonie miažy ŭ Chiersonskaj i Mikałajeŭskaj abłaściach. U Zaparožskaj abłasnoj vajennaj administracyi adznačyli, što ŭ Inžyniernym nazirajecca vysokaja kancentracyja rasijskich vojskaŭ, na poŭdzień ad Hulajpola, što pakazvaje na toje, što rasijanie patencyjna rychtujucca da praciahu nastupu ŭ tym kirunku. Rasijskija vojski dadatkova abstralali i nanieśli rakietnyja ŭdary pa Mikałajevie, Adesie, Zaparožskaj i Chiersonskaj abłaściach.
Rasijskija vojski taksama, vierahodna, uzmacniajuć svaju hrupoŭku na poŭnač ad Charkava, kab praduchilić dalejšaje prasoŭvańnie ŭkrainskaha kontrnastupu da rasijskaj miažy. Jany mohuć u najbližejšaj budučyni ŭvieści čaści 1-j tankavaj armii ŭ paŭnočnuju častku Charkava.
Rasijanie praciahnuć namahańni pa akružeńni Sievieradaniecka i Lisičanska, prynamsi, z poŭdnia, mahčyma, zasiarodziŭšysia na pierakryćci apošniaj aŭtamahistrali, jakaja złučaje Sievieradanieck i Lisičansk z astatniaj Ukrainaj.
U Maryupali, vierahodna, jany pieraklučać svaju ŭvahu na akupacyjny kantrol nad horadam, pakolki abłoha «Azoŭstali» zaviaršyłasia.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja83
Kamientary