KDB znajšoŭ jašče 15 «terarystaŭ». Siarod ich Kaleśnikava i Znak
KDB znoŭ abnaviŭ Śpis «terarystaŭ». U im 15 novych proźviščaŭ biełarusaŭ. Usie jany ŭžo prysudžanyja da turemnych terminaŭ. Siarod novych fihurantaŭ jość viadomyja proźviščy — paplečniki Viktara Babaryki Maryja Kaleśnikava i Maksim Znak, davieranaja asoba Śviatłany Cichanoŭskaj Antanina Kanavałava, jość i mienš viadomyja imiony, piša Zerkalo.io.
Na sajcie KDB źjaviłasia novaja viersija śpisu, datavanaha 23 traŭnia (papiarednija źmieny ŭnosilisia 20 traŭnia). Usie novyja fihuranty ź pieraliku ŭžo asudžanyja i adbyvajuć pakarańnie:
1. Alaksandr Zajcaŭ — byŭ asudžany pa art. 289 (akt teraryzmu) KK Biełarusi.
2. Jaŭhien Pryvałaŭ — prachodziŭ pa spravie tielehram-kanała «Armija z narodam», asudžany pa art. 293 (masavyja biesparadki) KK Biełarusi. Pryznany palitviaźniem.
3. Siarhiej Jaraševič — prachodziŭ pa spravie tielehram-kanała «Armija z narodam», asudžany pa art. 293 (masavyja biesparadki) KK Biełarusi. Pryznany palitviaźniem.
4. Siarhiej Koršun — prachodziŭ pa spravie tielehram-kanała «Armija z narodam», asudžany pa art. 293 (masavyja biesparadki) KK Biełarusi. Pryznany palitviaźniem.
5. Antanina Kanavałava-prachodziła pa spravie tielehram-kanała «Armija z narodam», asudžanaja pa art. 293 (masavyja biesparadki) KK Biełarusi. Pryznana palitźniavolenaj.
6. Siarhiej Sparyš — prachodziŭ pa spravie tielehram-kanała «Armija z narodam», asudžany pa art. 293 (masavyja biesparadki) KK Biełarusi. Pryznany palitviaźniem.
7. Maksim Znak — paplečnik Viktara Babaryki, byŭ asudžany pa troch artykułach KK Biełarusi, ale ŭ śpisie KDB fihuruje tolki adzin — art. 361 (zakliki da dziejańniaŭ, nakiravanych na pryčynieńnie škody nacyjanalnaj biaśpiecy). Pryznany palitviaźniem.
8. Maryja Kaleśnikava — paplečnica Viktara Babaryki, była asudžanaja pa troch artykułach KK Biełarusi, ale ŭ śpisie KDB fihuruje tolki adzin — art. 361 (zakliki da dziejańniaŭ, nakiravanych na pryčynieńnie škody nacyjanalnaj biaśpiecy). Pryznana palitźniavolenaj.
9. Raman Marusaŭ — pieradavaŭ infarmacyju telehram-kanału, pryznanamu ekstremisckim. Asudžany pa art. 130 (raspalvańnie rasavaj, nacyjanalnaj, relihijnaj albo inšaj sacyjalnaj varožaści abo roźni) KK Biełarusi. Pryznany palitviaźniem.
10. Jaŭhien Ivončyk-asudžany pavodle art. 130 (raspalvańnie rasavaj, nacyjanalnaj, relihijnaj albo inšaj sacyjalnaj varožaści) KK Biełarusi.
11. Anton Nahieła — pavodle abvinavačvańnia, pakinuŭ u telehram-čacie «Smarhoń-čat» 13 kamientaroŭ, u jakich rezka niehatyŭna vykazvaŭsia pra dziejańni milicyjantaŭ padčas akcyj pratestu paśla letašnich vybaraŭ. Asudžany pa art. 130 (raspalvańnie rasavaj, nacyjanalnaj, relihijnaj albo inšaj sacyjalnaj varožaści) KK Biełarusi. Pryznany palitviaźniem.
12. Dzianis Syrec — byŭ asudžany pa troch artykułach KK Biełarusi, ale ŭ śpisie KDB fihuruje tolki adzin — art. 130 (raspalvańnie rasavaj, nacyjanalnaj, relihijnaj albo inšaj sacyjalnaj varožaści). Pryznany palitviaźniem.
13. Jaŭhien Truško — asudžany pa art. 130 (raspalvańnie rasavaj, nacyjanalnaj, relihijnaj albo inšaj sacyjalnaj varožaści abo roźni) KK Biełarusi.
14. Uładzisłaŭ Zianiuk — asudžany pa art. 130 (raspalvańnie rasavaj, nacyjanalnaj, relihijnaj albo inšaj sacyjalnaj varožaści abo roźni) KK Biełarusi.
15. Anatol Maculevič — asudžany pavodle art. 130 (raspalvańnie rasavaj, nacyjanalnaj, relihijnaj albo inšaj sacyjalnaj varožaści) i art. 293 (masavyja biesparadki) KK Biełarusi.
Takim čynam, u śpisie «asob, jakija datyčnyja da terarystyčnaj dziejnaści» KDB užo bolš za 60 biełarusaŭ, u tym liku Śviatłana Cichanoŭskaja, Pavieł Łatuška i inšyja.
Apošni raz śpis źmianiaŭsia, darečy, 20 traŭnia — tady ŭ jaho ŭklučyli piać novych proźviščaŭ.
-
Da kanca hoda ŭ sieryjnuju vytvorčaść źbirajucca zapuścić biełaruski aŭtamat
-
Biznesmien Zajcaŭ bolš nie choča asacyjavacca ź fiestyvalem «Soncastajańnie»
-
«Chočaš, kab u ciabie nohi admovili, jak u Ihnatoviča?» Łosik raskazaŭ, jak pierasiakaŭsia ŭ turmie z asudžanymi za zabojstva Dźmitryja Zavadskaha
Kamientary