Žychar Haradockaha rajona raźbiraŭ stol u staroj chacie i znajšoŭ pistalet-kulamiot
U Haradockim rajonie mužčyna ŭ pryvatnym domie znajšoŭ schovanku sa zbrojaj i patronami, piša BIEŁTA.
Viaskoviec pravodziŭ demantažnyja raboty ŭ pryvatnym domie ŭ vioscy Maskalaniata. Padčas razborki pierakryćcia stoli jon znajšoŭ schovanku. Da ździŭleńnia 30-hadovaha mužčyny, unutry znachodzilisia 35 pistaletnych patronaŭ kalibra 7,62 mm i pistalet-kulamiot sistemy Špahina ŭzoru 1941 hoda. Hramadzianin paviedamiŭ pra heta ŭ Haradocki RAUS.
Ekśpiertyzy pakazała, što bojeprypasy i sam pistalet-kulamiot byli prydatnyja dla vykarystańnia.
«Supracoŭniki kryminalnaha vyšuku vyśvietlili, što vypadkova vyjaŭlenyja śmiarotnyja znachodki naležali byłomu haspadaru doma. Piensijanier pamior u žniŭni 2018 hoda, i ŭvieś hety čas nichto nie viedaŭ pra toje, što jon źjaŭlaŭsia ŭładalnikam takoha arsienała», — rastłumačyli ŭ milicyi.
Krynicy pachodžańnia zbroi i patronaŭ vyśviatlajuć.
Kamientary