Netflix zapuskaje realici-šou «Hulnia ŭ kalmara» z samym vialikim u historyi pryzavym fondam
Netflix nabiraje achvotnych z usiaho śvietu dla ŭdziełu ŭ televizijnym realici-šou, zasnavanym na ich samym paśpiachovym sieryjale «Hulnia ŭ kalmara» (Squid Game).
Novaje šou budzie nazyvacca «Hulnia ŭ kalmara: vyklik». U im voźmuć udzieł 456 čałaviek, a na konie, viadoma, budzie ŭžo nie žyćcio abo śmierć, jak u paŭdniovakarejskaj dramie, piša «Bi-bi-si».
Pieramožca atrymaje 4,56 młn dalaraŭ — heta samy bujny pryz u historyi televizijnych šou. Tym, chto prajhraje, zastanucca pryjemnyja ŭspaminy pra ŭdzieł u prajekcie.
Netflix taksama paćvierdziŭ, što zapuskaje druhi siezon papularnaha sieryjała.
Umovy ŭdziełu
Hulnia budzie składacca z 10 epizodaŭ.
«Hulcy buduć spaborničać u cełaj sieryi spabornictvaŭ, naviejanych aryhinalnym sieryjałam, ź niečakanymi dapaŭnieńniami. Ich stratehii, aljansy i asoba kožnaha buduć padvierhnutyja vyprabavańniam na tryvałaść pa miery taho, jak vakoł buduć ustaraniacca kankurenty», — adznačajuć arhanizatary šou.
Dla ŭdzielnikaŭ ustalavany ŭzrostavy paroh — nie mieniej za 21 hod, taksama ŭsie jany pavinny havaryć pa-anhlijsku. Zdymki projduć na pačatku 2023 hoda i praciahnucca kala čatyroch tydniaŭ.
456 udzielnikaŭ — heta adsyłka da aryhinalnaha sieryjała, u jakim była takaja ž kolkaść hulcoŭ, pryčym apošni numar byŭ zamacavany za hałoŭnym hierojem.
Netflix aficyjna praanansavaŭ druhi siezon sieryjała «Hulnia ŭ kalmara». Chto z hierojaŭ viartajecca?
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary