Daśledavańnie: mužčynam da 40 hadoŭ nielha pić bolš za čarku (nie kielich!) piva ŭ dzień
Tryvožnyja naviny dla mužčyn, jakim mienš za 40 hadoŭ: novaja navukovaja praca pakazała, što im možna ŭžyvać štodzień našmat mienš piva, čym pryniata ličyć. Viadoma, u tym vypadku, kali im važnaje zdaroŭje.
Sakret zdarovaha ładu žyćcia — umieranaść, ale ž toje, što my razumiejem pad umieranaściu, adroźnivajecca ŭ roznych vypadkach. Pryniata ličyć, što ciomny šakaład i vino dapamahajuć źnizić ryzyku raku, ale ž u vialikaj kolkaści hetyja pradukty prynosiać škodu, piša ladbible.com.
Što tyčycca piva, niadaŭna vyjšła navukovaja praca, jakaja pakazvaje, kolki možna ŭžyvać hetaha napoju, kab nie ryzykavać zdaroŭjem. Limity našmat mienšyja, čym zdavałasia raniej: tak, mužčyny va ŭzroście da 40 hadoŭ mohuć spakojna vypivać nie bolš za 38 mililitraŭ piva štodzień, to-bok adnu čarku.
Što da žančyn, to ŭ ich situacyja krychu lepšaja: im dazvalajuć vypivać štodzień nie bolš za 100 mililitraŭ piva.
Doktarka Emanueła Hakidu, adna z aŭtarak daśledavańnia, patłumačyła, što ŭžyvańnie ałkaholu nie pryniasie nijakaj karyści maładym ludziam. Navukoŭcy razumiejuć, što naŭrad ci novaja infarmacyja prymusić ludziej admovicca da ałkaholu, ale jany spadziajucca chacia b na toje, što dziakujučy novym danym ludzi zdolejuć lepiej razumieć nastupstvy svajoj zvyčki vypivać.
Ale ž kali vam užo 40, dla vas jość dobryja naviny. U hetym uzroście adna-dźvie porcyi ałkaholu (naprykład, 1—2 kielichi vina) dapamohuć źnizić ryzyku infarktu, insultu i dyjabietu, a va ŭzroście, bolšym za 65 hadoŭ, biaśpiečnyja limity dachodziać užo da čatyroch porcyj ałkaholu. Tolki pamiatajcie — u lubym uzroście važna pamiatać pra ŭmieranaść z ałkaholem.
Złoŭžyvajecie ałkaholem? Vaša skura heta pakaža
Navukoŭcy: Kali ŭ junactvie pić adnamu, heta moža paźniej pryvieści da ałkahalizmu
Ciapier čytajuć
Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški54
Kamientary
čto skažiet Satan ?
normakantrol - žančyna. čto charakterna. bo navat nie 40 mililitraŭ, a 38. jakaja dakładnaść. chočacca spytać - a čamu nie 38,5 tady? 38 papuhajeŭ i adno papuhajskaje kryłyška?
narmalny b mužčyna da takoj normy b nie dajšoŭ. jon chutčej taki - nuŭ... 40-60... mm...litraŭ... dzieści tak