Što viadoma pra bieśpiłotniki Phoenix Ghost, jakija ZŠA pastaviać Ukrainie
Upieršyniu pra bieśpiłotnik Phoenix Ghost stała viadoma tolki ŭ krasaviku — tady ZŠA anansavali pieršuju partyju dronaŭ dla Ukrainy. Da hetaha raspracoŭku trymali ŭ sakrecie.
Dniami stała viadoma, što ZŠA vyšle jašče 560 aparataŭ — a heta značyć, što ŭkraincy pakazali, što jany ŭmiejuć imi karystacca i jany karysnyja ŭ bai.
Pientahon pieršapačatkova śćviardžaŭ, što Phoenix Ghost byŭ raspracavany dla Ukrainy paśla ŭvarvańnia Rasii, ale pres-sakratar Pientahona Džek Kirbi udakładniŭ terminy raspracoŭki, zajaviŭšy, što Phoenix Ghost byŭ stvorany da ŭvarvańnia i byŭ «raspracavany, kab całkam adpaviadać patrabavańniam ukraincaŭ na Danbasie», piša popsci.com.
Jak paviedamlaje Breaking Defense, Phoenix Ghost — heta dron-kamikadze (zvany taksama baražyrujučym bojeprypasam), padobny na Switchblade, jaki ŭžo znachodzicca na ŭzbrajeńni Ukrainy.
Pra ŭłasna Phoenix Ghost viadoma niašmat. Pientahon skazaŭ, što kiravańnie im budzie takim ža, jak u Switchblade ci inšaj bieśpiłotnaj sistemy takoha kštałtu. Kirbi skazaŭ presie, što Phoenix Ghost adroźnivajecca pa mahčymaściach ad Switchblade, choć i padobny ź im pa śfiery ŭžyvańnia.
Člen praŭleńnia Aevex Aerospace i dekan Instytuta aerakaśmičnych daśledavańniaŭ Mitčeła Devid Deptuła raskazaŭ, što dron efiektyŭny suprać siaredniebraniravanych naziemnych celaŭ, moža ŭźlatać viertykalna i znachodzicca ŭ palocie bolš za šeść hadzin, a taksama moža prymianiacca nočču, dziakujučy infračyrvonym datčykam, piša Politico. Sam bojeprypas kampaktny i źmiaščajecca ŭ zaplečnik.
Switchblade vystrelvajuć sa stvałoŭ u pavietra, a paśla navodziać na celi sa stancyi dystancyjnaha kiravańnia. Heta dazvalaje im lotać i traplać pa celach, jak zvyčajnym snaradam, ale jany našmat bolš manieŭranyja.
Heta, a taksama zdolnaść lotać daŭžej, čym Switchblades, moža zrabić Phoenix Ghost vielmi karysnym u tych kontrnastupalnych apieracyjach, jakija ciapier pravodziać ŭkrainskija vajskoŭcy.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m101
Kamientary