Łukašenka choča «dadać na kitajskim kirunku», ale pryznaje, što sankcyi pieraškadžajuć
Biełaruś «moža dadać na kitajskim napramku», vykazaŭ mierkavańnie Alaksandr Łukašenka 1 žniŭnia padčas rabočaj sustrečy z Nadzvyčajnym i paŭnamocnym pasłom Biełarusi ŭ Kitai Juryjem Siańko.
«Jany małajcy, vydatna nam dapamahali, dy i ciapier u nas pryrost tavaraabarotu prystojny, novyja mahčymaści. A my prosta možam dadać na kitajskim napramku. Ja časta Si Czińpinu kazaŭ: kali hety vializny kitajski łakamatyŭ začepić dadatkovy vahon u abjomie Biełarusi, dyk navat nie zaŭvažyć, što tam niešta pryčapiłasia. Takaja hihanckaja ekanomika, — adznačyŭ Alaksandr Łukašenka. — Dobra, što ŭ nas skłalisia takija ŭ halinie dypłamatyi, palityki adnosiny. Dy i asabistyja adnosiny ŭ mianie i ź siamjoj Si Czińpina, i ź im vielmi dobryja».
Jak padkreśliŭ Juryj Siańko, Biełaruś i Kitaj demanstrujuć poŭnaje parazumieńnie, supracoŭničajučy na ŭsich mižnarodnych placoŭkach.
«U halinie ekanamičnych adnosin (ja prychodžu da vysnovy, i bačna pa nastrojach našych biełaruskich pradpryjemstvaŭ) u nas prosta ŭnikalnyja mahčymaści dla taho, kab naraścić tempy pracy z Kitajem, što, ułasna, i robicca apošnija (nie pabajusia hetaj ličby), siem hadoŭ z momantu abjaŭleńnia Kitajem inicyjatyvy «Pojas i šlach». Heta byŭ surjozny šturšok, kali Biełaruś dałučyłasia da hetaj inicyjatyvy i aktyŭna pačała z uzrastajučymi tempami pracavać z Kitajem», — zajaviŭ pasoł.
Ale aptymizm jaho vyklikaje sumnieŭ. Navat Łukašenka pryznaŭ uździejańnie sankcyj.
«Naturalna, va ŭmovach sankcyj i Kitaj moža ścierahčysia, aścierahacca niejkich krokaŭ: ludzi vielmi akuratnyja, aściarožnyja. Tym nie mienš heta naša ščaście, što my vybudavali dobryja adnosiny z Kitajskaj Narodnaj Respublikaj«, — zajaviŭ jon.
Pavole Biełta, Kitaj uvachodzić u pieršuju trojku handlovych partnioraŭ Biełarusi. Pa vynikach 2021 hoda źniešniehandlovy abarot dasiahnuŭ rekordnych $5,9 młrd. Za studzień—maj 2022 hoda tavaraabarot Biełarusi i Kitaja skłaŭ praktyčna $2 młrd. Biełaruś pastaŭlaje ŭ KNR kalijnyja ŭhnajeńni, charčovuju i sielskahaspadarčuju pradukcyju, lesamateryjały.
Jak biełarusy ŭ Vilni adznačyli Dzień Voli ŠMAT FOTA4
Jak biełarusy ŭ Vilni adznačyli Dzień Voli ŠMAT FOTA
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1111
Kamientary
Pierievožu na poniatnyj: posoł dołžien staraťsia tak, čtoby intieriesy sieḿji łukašienko, byli učtieny i žiełatielno vklučieny v intieriesy siemiej
kitajskich tovariŝiej i žiełatielno tak, čtoby połnosťju ili maksimalno
zamienili intieriesy siemiej rośsijskich tovariŝiej na zadniem dvorie sieḿji łukašienko, niesmotria na to, čto, nałaživanije, po starym schiemam, otnošienii s sieḿjoj biełorusskoho tovariŝa očień toksičny i problematičny, iz-za vniešnich proiskov i vnutrieńnich vrahov. No, nadiejemsia, čto nastupiat staryje-novyje vriemiena raboty po starym schiemam, nazło vsiem vniešnim i vnutrieńnim vraham sieḿji łukašienko.
Koročie, - naddajom na kitajskom napravlenii.