Pa słovach śpikiera Dziarždepa ZŠA Neda Prajsa, udzieł Biełarusi ŭ novych rasijskich vajskovych vučeńniach «Uschod-2022» nie mianiaje padychod ZŠA da režymu Łukašenki.
«Što ŭ korani vyznačyła naš padychod, dyk heta toj fakt, što režym Łukašenki adkryŭ dźviery Biełarusi. Režym adkinuŭ u bok toje, što pavinna być suvierenitetam i niezaležnaściu Biełarusi i, u peŭnym sensie, jaje terytaryjalnaj cełasnaściu, dazvoliŭšy rasijskim siłam znoŭ uvajści na toje, što pavinna być suvierennaj biełaruskaj ziamloj», — zajaviŭ na bryfinhu Ned Prajs.
Jon taksama nahadaŭ, što na dumku ZŠA, Łukašenka niezakonna znachodzicca va ŭładzie.
«Akramia parušeńniaŭ pravoŭ čałavieka, akramia taho, što režym Łukašenki čaplajecca za ŭładu paśla falsifikavanych vybaraŭ, akramia pieraśledu palitviaźniaŭ, akramia taho, što jon robić, kab pataptać hramadzianskija pravy i hramadzianskija svabody biełaruskaha naroda — voś što mianiaje naša pryncypovaje ŭjaŭleńnie ab hetym režymie», — zajaviŭ śpikier Dziarždepa.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja103
Kamientary