Kyrhyzstan dazvoliŭ ajcišnikam ź Biełarusi i jašče niekalkich krain postsavieckaj prastory pracavać biez rehistracyi i dazvołu. Heta praduhledžana prajektam «Ličbavy kačeŭnik», paviedamlajecca na sajcie miascovaha Ministerstva ekanomiki i kamiercyi. Takim čynam Kyrhyzstan choča pavialičyć prytok rełakantaŭ, jakija pracujuć u śfiery ličbavych technałohij, paviedamlaje dev.by.
Dla ajcišnikaŭ u Kyrhyzstanie raspracavali śpiecyjalny hajd — pakrokavuju instrukcyju dla atrymańnia statusu «Ličbavy kačeŭnik».
Uładalnik statusu «Ličbavy kačeŭnik» («Digital nomad»):
- vyzvalajecca ad rehistracyi pa miescy pražyvańnia na terytoryi Kyrhyzstana;
- atrymlivaje dazvoł na pracu da 12 miesiacaŭ z mahčymaściu padaŭžeńnia da adnaho hoda;
- aŭtamatyčna atrymlivaje piersanalny identyfikacyjny numar (pin);
- moža pracavać u jakaści IP i jurydyčnaj asoby;
- maje prava adkryvać i karystacca rachunkami ŭ bankach Kyrhyzstana biez abaviazkovaj rehistracyi pa miescy pražyvańnia.
Ajcišniki sa statusam «Ličbavy kačeŭnik» atrymajuć śpiecyjalny elektronny dakumient, jaki maje śpiecyjalny QR-kod.
Blizkija svajaki takich śpiecyjalistaŭ (muž (žonka), niepaŭnaletnija dzieci), a taksama inšyja asoby, jakija znachodziacca na ich utrymańni, taksama majuć prava atrymać dakumienty, što dazvalajuć ujazdžać u Kyrhyzstan i znachodzicca na jaho terytoryi.
Kamientary