Siońnia Pucin źviarnuŭsia da rasijan i abviaściŭ pra častkovuju mabilizacyju.
Voś asnoŭnyja tezisy vystupu.
— Zachad pieratvaryŭ ukrainski narod u harmatnaje miasa, raźviazaŭšy vajnu jašče ŭ 2014 hodzie.
— Rašeńnie ab papieradžalnaj vajennaj apieracyi na Ukrainie było absalutna nieabchodnym i adzina mahčymym.
— Vyzvaleńnie ŭsioj terytoryi Danbasa zastajecca niaźmiennaj metaj «śpiecyjalnaj vajennaj apieracyi».
— Sajuznyja siły ŭ Danbasie krok za krokam vyzvalajuć danieckuju ziamlu, ale dziejničajuć płanamierna, bierahuć asabovy skład.
— Zachad choča raspadu Rasii na mnostva varahujučych pamiž saboj abłaściej.
— Meta Zachadu — asłabić, raźjadnać i źniščyć Rasiju.
— Vašynhton padšturchoŭvaje Kijeŭ da pieranosu bajavych dziejańniaŭ na terytoryju RF. «Pry pahrozie terytaryjalnaj cełasnaści našaj krainy, našaj ziamli i narodu my vykarystoŭvajem usie nieabchodnyja srodki dla ich abarony. Heta nie blef».
— My zrobim usio, kab zabiaśpiečyć biaśpiečnaje prachodžańnie refierendumu.
— Rasija padtrymaje rašeńnie, jakoje prymuć žychary Danbasa, Zaparožskaj i Chiersonskaj abłaściej.
— Ukaz ab častkovaj mabilizacyi padpisany, mabilizacyjnyja mierapryjemstvy pačnucca siońnia.
***
Miarkujecca, što pad pryzyŭ na vajskovuju słužbu padpaduć tolki tyja hramadzianie, jakija znachodziacca ŭ zapasie i, pierš za ŭsio, tyja, chto prachodziŭ słužbu ŭ šerahach uzbrojenych sił, maje peŭnyja vajenna-ŭlikovyja śpiecyjalnaści i adpaviedny vopyt.
Kamientary
Moł, braťja i siestry, my obłažaliś, no siejčas vyžmiem iz vas sok i vsie ispravim.
No niet, opiať zavieli tu žie dudku. Vsie po płanu, prosto tie 300 tyŝ užie končiliś i nužny novyje.
Eti ludi prosto patołohičieskije łžiecy. Oni vrut dažie siebie vo vried.