Rečyckija supracoŭniki MNS vyratavali školnika, jaki ŭpaŭ u kałodziež.
Rečyckija supracoŭniki MNS vyratavali školnika, jaki ŭpaŭ u kałodziež.
4 kastryčnika kala 10 hadzin ranicy ŭ słužbu «101» pastupiła paviedamleńnie ab tym, što ŭ Rečycy ŭ adnym z kałodziežaŭ ź pitnoj vadoj znachodzicca čałaviek.
Jak paviedamili BiełaPAN u centry prapahandy i prafiłaktyki Homielskaha abłasnoha ŭpraŭleńnia MNS, vyśvietliłasia, što ŭ kałodziež upaŭ 15‑hadovy školnik. Z dapamohaj viarovak padletka dastali z kałodzieža i špitalizavali z dyjahnazam «ahulnaje pieraachaładžeńnie».
«Baćki adpuścili chłopčyka da siabra ŭ susiedniuju viosku. Kali nočču syn nie pryjšoŭ damoŭ, pačali šukać jaho, abjazdžali navakolle, ale ŭsio było biezvynikova. Znajšła chłopčyka žančyna, jakaja adpraviłasia ranicaj da kałodzieža pa vadu. Kałodziež hety vielmi nizki, tamu ŭpaści ŭ jaho było nieskładana», — raskazali padrabiaznaści ŭ Rečyckim RANS.
Padletak prajšoŭ ekśpiertyzu na ŭžyvańnie psichatropnych rečyvaŭ, jaje vyniki pakul nie hatovy. Pavodle słoŭ śviedak, školnik byŭ u stanie poŭnaj adsutnaści pamiaci. Jak skazaŭ ratavalnikam chłopčyk, jon pralažaŭ u kałodziežy nie bolš čym paŭhadziny, ale ratavalniki ličać, što padletak pravioŭ tam jak minimum niekalki hadzin.
Kamientary