Pavieł Libier raskazaŭ u tvitary pra ŭsio novaje, što źjavicca na płatformie «Novaja Biełaruś».
U kancy pieršaha kvartała 2023 hoda, pa słovach Paŭła Libiera, płanujecca zapusk apłatnaj sistemy na płatformie i jeŭrapiejskich bankaŭskich servisaŭ dla biełarusaŭ u krainie (anałah Revolut/Paysera ad Jeŭrapiejskaha banka, jaki hatovy pracavać ź biełarusami paśla sankcyjnaj validacyi). Tam budzie łancužok naŭprost bank — čałaviek.
U chutkim časie vyjdzie raździeł «Mnie cikava», dzie buduć padborki kantentu pa temach. Naprykład, «Paciešyć dziaciej» źbiraje dadatki, sajty, muzyku, jutub dla dziaciej, a taksama dapamahaje prasoŭvać nišavyja tematyčnyja servisy, schavanyja za kučaj palityčnych navin.
U partniorstvie z kulturnymi inicyjatyvami i kamandaj ByMapka budzie dadavacca na kartu płast kulturnych miaścin, źviazanych ź Biełaruśsiu, — architektura, abjekty ŭ muziejach.
Buduć sabranyja nie tolki fizičnyja, ale i anłajn-biznesy biełarusaŭ, hatovyja davać pracu i źnižki biełarusam.
U partniorstvie z ABBA (Asacyjacyjaj biełaruskaha biznesu za miažoj) stvarajecca i chutka budzie zapuščana sistema vieryfikacyi biełaruskich biznesaŭ dla ŭzajemadziejańnia ź biznesami ŭnutry ekasistemy (kab być upeŭnienym, što hety biznes nie spansavaŭ režym, vajnu i h. d.).
Taksama idzie praca nad modulem vystaŭ biełaruskich mastakoŭ, fatohrafaŭ i ilustrataraŭ z mahčymaściu zamaŭlać abo kuplać ich tvory.
Asobna stvarajecca abjadnańnie adukacyjnych praduktaŭ dla dziaciej i darosłych, a taksama dabudoŭvajecca płatforma dla navučańnia dziaciej (u krainie i dyjasparach) biełaruskaj movie, litaratury, historyi pa prahramach i na ŭzroŭni adzinkavych viebinaraŭ dla dziaciej i darosłych.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary