Hramadstva3030

«Śpiecsłužby hulajuć z nami, jak z kacianiatami». Jak łukašysty vykarystali knihu «Ja vychodžu»

22 śniežnia ŭ Minsku asudzili siamiejnuju paru pa «narodnym artykule». Rezanans historyi nadało toje, što hałoŭnym dokazam «viny» sužencaŭ nibyta stała fota z knihi «Ja vychodžu». Pravaabaroncy sa spasyłkaj na byłych aryštantaŭ Akreścina taksama paviedamili, što ŭ izalatary znachodzicca šmat ludziej, jakich zatrymali pa zdymkach z hetaj knihi. Historyja vyklikała vialiki rozhałas. Niekatoryja pačali hańbić aŭtaraŭ knihi. Adnak bolšaść raskusiła zadumku śpiecsłužbaŭ — pasvaryć ludziej, kab jany pačali šukać vinavatych siarod svaich ža, a nie siarod sapraŭdnych arhanizataraŭ i vykanaŭcaŭ represij.

U knizie «Ja vychodžu», apublikavanaj u krasaviku 2021 hoda, bolš za 350 zdymkaŭ z pratestaŭ, na ich tysiačy ludziej, u tym liku na prajeznaj častcy, što, pavodle siłavikoŭ, padpadaje pad artykuł 342 KK.

U 2020 hodzie kožny z pratestoŭcaŭ zrabiŭ sotni fota i apynuŭsia na tysiačach zdymkach čužych mabilnikaŭ.

«Usia ž sutnaść pratestaŭ i była ŭ rozhałasie, publičnaści, u demanstracyi taho, jak nas šmat, u adkrytaści i salidarnaści. I ŭsie hetyja vizualnyja srodki, fota, videa, byli hałoŭnymi ŭ infaprastory. Nie razumieju, čaho čakajuć ad aŭtara? Za što jon pavinien vybačacca? Zadnim rozumam usie takija razumnyja», — piša adzin z karystalnikaŭ.

Inšy davodzić, što, aprača samich biełarusaŭ, rupliva papracavali na pratestach i siłaviki.

«Na maršach zaŭsiody byli hałosnyja i niehałosnyja supracoŭniki, mnohich my viedajem, jany chadzili i fotkali ludziej prosta ŭ tvar, i našmat bolš fotkali, čym my. Jany nazirali za ŭdzielnikami: chto kudy kaho vioŭ, zaklikaŭ, pierachodziŭ na čyrvonaje śviatło i h. d. I fota, i videa ŭ ich byli prosta miehaterahihabajty, kvadryljony fotak», — piša inšaja śviedka padziej.

Niekatoryja davodziać, što spasłacca ŭ prysudzie na knižku, kab razzłavać adnych i naviesić pačućcio viny na druhich — majsterski «opierski» pryjom.

«Hetaja historyja — a jana daloka nie pieršaja — pakazvaje, što hramadstva zaŭsiody budzie prajhravać śpiecsłužbam. Jany prosta hulajuć, jak z kacianiatami, manipulujuć, svarać, drobniać, nackoŭvajuć, padkidvajuć całkam pustyja pryčyny dla abvinavačvańniaŭ. Tuzajuć za nitački — ahientami, sieksotami, prosta karysnymi durniami, złymi i zajzdroślivymi ludziškami, čutkami, źlivami, abvinavačvańniami, namiokami…

U 2020 hodzie ŭ sacyjalnych sietkach byli tysiačy fatahrafij z maršaŭ, plus tysiačy kamier pa ŭsim horadzie, dziasiatki žurnalistaŭ roznych kampanij zdymali ŭsio i pakazvali ŭ efiry. Dziasiatki supracoŭnikaŭ u cyvilnym zdymali ŭsio vakoł siabie na fota i videa. Zdymali sami supracoŭniki ŭ formie. Ludzi sami zdymali ŭsio vakoł siabie, i hetyja fotki z mabilnikami trapili ŭ ruki śpiecsłužbaŭ. Plus elemientarna sačyć praz mabilny telefon.

Kali raptam pra kahości kažuć, što jaho apaznali pa knizie — i hetaja infarmacyja adkryta raspaŭsiudžvajecca — to heta značyć, što chočuć metanakiravana ŭdaryć pa knizie i jaje aŭtarach. Heta ŭsio, što pra heta treba viedać.

I takich historyj budzie jašče hać haci. U adnym Minsku ŭ centry kamier videanazirańnia — hladzi nie chaču».

Historyk Alaksandr Paškievič źviartaje ŭvahu, što pošuk vorahaŭ siarod svaich, pieravod strełak z sapraŭdnych vinavatych, naviazvańnie pačućcia viny achviaram patrebnyja režymu, kab i za miežami krainy bajalisia vysunucca, aby nikomu nie naškodzić.

«Taki psichałahičny pryjom, što nibyta voś kab nie henyja, to ŭsio było b dobra, nikoha nie začapili b. Nienavidźcie ich, jany vašy vorahi. Tam jašče što-niebudź prydumajuć, tut ža pole šyrokaje. A meta — kab navat za miažoj bajalisia niešta rabić, kab nie «padstaŭlacca».

Voś, dapuścim, nachapajuć zaŭtra ludziej i skažuć, što ich uziali za toje, što pahladzieli niejki anłajn-śpiektakl «Kupałaŭcaŭ». Nie važna, hladzieli ci nie hladzieli, ale tak skažuć. I pasadziać «za heta». I što tady — hnieŭ na «Kupałaŭcaŭ», što niedzie tam niešta staviać i ŭ internet vystaŭlajuć, tym samym ludziej «padstaŭlajučy»?

Heta čysta dla prykładu, a prydumać ža takoha bieźlič usiaho možna. I prydumlajuć».

Čytajcie taksama:

Pravaabaroncy zaklikajuć ludziej pravieryć knihu «Ja vychodžu»

Kamientary30

  • Mojša
    27.12.2022
    Možna było publikavać ahulnyja płany, a fota z tvarami pakinuć na pieramohu, možna było heta praduhledzić, a raptam pieramohi nia budzie, treba dumać pra šlachi adstupleńnia zaŭždy treba pra ich dumać, treba dumać, a ciapier adhrabajcie, aŭtary, vy heta zasłužyli bo dumali ni hałavoj a toje kropkaj na jakoj siadziać. Niama manipulacyj jość dziejańnie i jość nastupstvy voś i ŭsie! Vy, aŭtary mahli padumać hałavoj, spytać u starejšych ale nie vy vyrašyli što sami z vusami, adhrabajcie ciapier, chacia vy ta ŭ zamiežžy vam ničoha, a voś narod vy sapraŭdy padstavili!
  • Ludi
    27.12.2022
    Problema nie v tom čto kto chotieł, a v tom čto mientam dali v ruki instrumient (knihu) i imienno im rieprieśsirujut ludiej. Kohda užie naučatsia brať otvietstviennosť i dumať o pośledstvijach prieždie čiem publikovať lica i pročieje.
  • 27.12.2022
    Ludi, naučatsia tolko tohda, kohda ich viernut v Biełaruś i oni razdielat učasť ludiej, kotorych podstavili! 
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Praź dzieviać miesiacaŭ paśla vyzvaleńnia pamior palitviazień Valeryj Bohdan

Praź dzieviać miesiacaŭ paśla vyzvaleńnia pamior palitviazień Valeryj Bohdan

Usie naviny →
Usie naviny

Ukraina atakavała technapark i zavod pa vytvorčaści bieśpiłotnikaŭ u Padmaskoŭi1

Biełaruś pieranosić vučeńni «Zachad-2025» z zachodnich miežaŭ uhłyb krainy18

U nazvach stancyj mietro na vychadach z padziemki źnikli niekatoryja litary1

Karł III u Kanadzie: Sapraŭdnaja Poŭnač mocnaja i svabodnaja1

Minčuk ź jarkaj źniešnaściu vykładaje seksi-tancy i vučyć mastactvu raźniavoleńnia10

Łatuška: U mianie jość aściarohi za žyćcio Anžaliki Mielnikavaj5

Jak pracuje Biełaruskaja akademija: jeŭrapiejskaja adukacyja na rodnaj movie6

Na Bajkale padletak zabiŭ nažom čatyroch tavaryšaŭ na dni naradžeńnia i padpaliŭ dom

Śpiecpradstaŭnik Trampa adkazaŭ Miadźviedzievu: Zajava nie adpaviadaje statusu suśvietnaj dziaržavy5

bolš čytanych navin
bolš łajkanych navin

Praź dzieviać miesiacaŭ paśla vyzvaleńnia pamior palitviazień Valeryj Bohdan

Praź dzieviać miesiacaŭ paśla vyzvaleńnia pamior palitviazień Valeryj Bohdan

Hałoŭnaje
Usie naviny →

Zaŭvaha:

 

 

 

 

Zakryć Paviedamić