«Heta čarhovy fejk». Pradstaŭnik MZS Biełarusi prakamientavaŭ vybuchi ŭ Mačuliščach
«Chočuć pakazać, niby ŭ nas jość pravały ŭ nacyjanalnaj biaśpiecy».
Namieśnik kiraŭnika MZS Biełarusi Juryj Ambrazievič na druhi dzień svajho vizitu ŭ Ženievu dla sustrečy z pradstaŭnikami Arhanizacyi Abjadnanych Nacyj prakamientavaŭ situacyju vakoł rasijskaha samalota A-50 na aeradromie ŭ Mačuliščach.
Jon skazaŭ, što infarmacyja pra jaho paškodžańnie biełaruskimi padpolščykami — heta «čarhovy fejk».
«Uličvajučy adsutnaść aficyjnaj reakcyi, ja hłyboka pierakanany, što heta źjaŭlajecca čarhovaj falšyvaj zajavaj, zaklikanaj padkreślić peŭnyja pravały ŭ našaj nacyjanalnaj biaśpiecy», — zajaviŭ ahienctvu Reuters Juryj Ambrazievič.
Jak adznačyła ahienctva, nijakich dokazaŭ svajoj pazicyi biełaruski čynoŭnik nie pryvioŭ.
Nahadajem, što 26 lutaha źjaviłasia navina pra ŭdary dronaŭ pa redkim i vielmi kaštoŭnym rasijskim samalocie dalniaj raźviedki A-50, ź jakoha ažyćciaŭlałasia naviadzieńnie rasijskich rakiet i dronaŭ na celi va Ukrainie i jaki bazavaŭsia na biełaruskim aeradromie ŭ Mačuliščach. Jak zajaviŭ kiraŭnik inicyjatyvy siłavikoŭ suprać dyktatury «Bajpoł» Alaksandr Azaraŭ, hetuju dyviersiju pry dapamozie dronaŭ ździejśnili biełaruskija padpolščyki, udzielniki płana «Pieramoha».
Aficyjny Minsk pakul nie kamientavaŭ hetaj situacyi, adnak biełaruskija siłaviki naviedvajuć i dapytvajuć uładalnikaŭ dronaŭ, z 26 lutaha ŭzmocniena dahladajuć uvieś transpart na vyjeździe ź Biełarusi, u tym liku ŭ Rasiju, i vypuścili aryjenciroŭku na čałavieka, «jaki moža być datyčny da złačynstva, ździejśnienaha 26 lutaha ŭ h.p. Mačuliščy».
Čytajcie jašče:
Krasamoŭna. Što łukašenkaŭskija kanały napisali pra vybuchi ŭ Mačuliščach
Samalot u Mačuliščach atakavali dvuma dronami biełarusy, udzielniki płana «Pieramoha» — Azaraŭ
«Žestačajšaj dyscypliny!» Łukašenka adčytaŭ kiraŭnictva siłavoha błoku. Chrenin siadzieŭ jak myła źjeŭšy
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju33
Kamientary
Kohda mozh jesť,a tam pusto eto i jesť Abrazievič.