Va Ukrainu na samit z nahody hadaviny deakupacyi Bučy prybyli prezident Małdovy Maja Sandu, a taksama kiraŭniki ŭradaŭ Słavakii, Słavienii i Charvatyi Eduard Hiehier, Robiert Hałab i Andrej Plenkavič, piša Bi-bi-si.
«Siońnia narod Małdovy i ja razam z suśvietnaj supolnaściu ŭspaminajem teror, jakomu hod tamu padvierhlisia mirnyja žychary Bučy. My šanujem pamiać niavinnych i smutkujem pra ich. Demakratyčnyja krainy pavinny pracavać razam, kab hetyja złačynstvy byli rasśledavanyja i pakaranyja», — napisała Sandu ŭ tvitary.
Infarmacyja ab praviadzieńni samitu nie była publičnaj, a vizity zamiežnych lidaraŭ nie anansavali.
Vizit Sandu prachodzić na fonie paharšeńnia adnosin Rasii i Małdovy. Sandu praviała sustreču z prezidentam Ukrainy Uładzimiram Zialenskim. Padčas pieramoŭ Zialenski padkreśliŭ, što abiedźvie dziaržavy padviarhajucca pahrozam, u asnovie jakich — ahresija RF i rasijskaja palityka, tamu ahulnymi pavinny być i adkazy Ukrainy i Małdovy na hetyja pahrozy, havorycca na sajcie prezidenta Ukrainy.
Taksama Zialenski pravioŭ sustreču z premjeram Słavienii Robiertam Hałabam.
Prezident Ukrainy adznačyŭ važnaść niadaŭniaha rašeńnia ŭrada Słavienii ab pieradačy novaha pakieta vajskovaj dapamohi Ukrainie. Akramia taho, na sustrečy abmiarkoŭvałasia «jeŭrapiejskaja i jeŭraatłantyčnaja intehracyja» Ukrainy.
Čytać taksama:
Maja Sandu: Rasija choča vykarystoŭvać Małdovu hetak ža, jak i Biełaruś
Dziaržaŭnaj movaj Małdovy zamiest małdaŭskaj stała rumynskaja
Sandu: Małdovu abaraniaje nie niejtralitet, a armija Ukrainy
Ciapier čytajuć
Eks-palitviazień adkryŭ zbor na siabie — inšyja palitviaźni aburanyja i kažuć, što jon stukač i machlar1
Kamientary