Kuryny sup — adzin z samych papularnych, jon najbolš časta źjaŭlajecca na našym stale, a kuryny bulon rajać ludziam z roznymi zachvorvańniami. Choć usie dadajuć adny i tyja ž składniki, smak moža mocna adroźnivacca. Mahčyma, reč u tym, što sol dadajuć nie tady, kali treba?
Kuryny bulon, zdavałasia b, vielmi prosty ŭ hatavańni, jon taksama moža być asnovaj dla inšych supoŭ. U ideale jaho varta varyć niekalki hadzin, kab uzbahacić smak i vodar. Adnak važnaja nie tolki praciahłaść pryhatavańnia — ale i pravilny momant, kali prypravić bulon.
Choć nie ŭsie vykarystoŭvajuć sol na kuchni, nielha nie pryznać, što jana nadaje luboj stravie bolš jarki smak, i navat nievialikaja kolkaść soli moža całkam jaho źmianić.
Dyk kali salić?
Lepš nie rabić heta da taho, jak miasa ŭžo zvarycca. Tady nie raskryjecca smak ad inšych składnikaŭ. Akramia taho, tady koler supu nie źmienicca. Jon moža być zanadta śvietłym, bo sol błakuje vydzialeńnie tłušču ź miasa, prymušajučy vałokny spluščvacca.
Salić bulon lepš za ŭsio ŭ kancy varki. Pažadana niedzie za 10 chvilin da zakančeńnia. Pry hetym inšyja śpiecyi, naprykład, łaŭrovy list ci duchmiany pierac, dla nadańnia vodaru lepš kipiacić z samaha pačatku.
Čytajcie jašče:
Ciapier čytajuć
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary