U Rasii paśla pravierki bojehatoŭnaści źniali kamandujučaha Cichaakijanskim fłotam
Admirał Siarhiej Avakianc pakinuŭ pasadu kamandujučaha Cichaakijanskim fłotam. Ab jaho pryznačeńni na novuju pasadu paviedamiŭ pastajanny pradstaŭnik Pucina ŭ Dalokaŭschodniaj fiederalnaj akruzie Juryj Trutnieŭ.
Pa słovach Trutnieva, admirał pryznačany na pasadu kiraŭnika štaba, jaki kuryruje centry vajenna-spartyŭnaj padrychtoŭki i patryjatyčnaha vychavańnia.
«Hetuju centralnuju strukturu, pa sutnaści spravy, štab pa vykanańni zadačy, pastaŭlenaj prezidentam, uznačalić admirał Avakianc, jaki da niadaŭniaha času kamandavaŭ Cichaakijanskim fłotam», — zajaviŭ Trutnieŭ na naradzie, videa ź jakoj pakazali ŭ telehram-kanale paŭnamocnaha pradstaŭnika.
U Cichaakijanskim fłocie RF nie kamientavali adstaŭku.
Siarhiej Avakianc kamandavaŭ Cichaakijanskim fłotam RF z 2012 hoda. Pra jaho adstaŭku stała viadoma mienš čym praz tydzień paśla taho, jak fłot 14 krasavika pryviali ŭ poŭnuju bajavuju hatoŭnaść u «ramkach raptoŭnaj pravierki».
Marskija piechacincy 155-j bryhady Cichaakijanskaha fłotu RF, adpraŭlenyja va Ukrainu, vosieńniu 2022 hoda kazali, što niasuć vialikija straty. Pa ich słovach, bryhada straciła kala 300 čałaviek za čatyry dni. U Minabarony RF zajavili, što straty bryhady bolš čym za 10 dzion nie pieravysili 1% bajavoha składu. Paźniej adzin z marpiechaŭ paviedamiŭ, što kamandavańnie vyrašyła vyvieści bryhadu z zony bajavych dziejańniaŭ, ale tych, chto «aburaŭsia, pisaŭ list abo admaŭlaŭsia šturmavać», vyrašyli pakinuć na pazicyjach, paviedamlaje Meduza.io.
Ciapier čytajuć
Z YouTube vydalili kanały BiełTA, STB i ANT. Ułady pahražajuć kontrmierami44
Kamientary