«Abraŭšy kurs na dyskryminacyju i ŭščamleńnie pravoŭ Biełarusi». Minsk moža adklikać zajaŭku na ŭstupleńnie ŭ Radu Jeŭropy

U Rejkjaviku 16-17 maja prajšoŭ samit Rady Jeŭropy. U jaho vynikovych dakumientach fihuruje i Respublika Biełaruś.

«Jak vy viedajecie, naša ŭzajemadziejańnie z hetaj arhanizacyjaj praktyčna zamarožanaje, i nie pa našaj inicyjatyvie. Choć u pryncypie my nikoli i nie łamilisia ŭ dźviery hetaj arhanizacyi. Rada Jeŭropy kančatkova pieratvaryłasia ŭ pasłuchmiany instrumient dla cisku na niepažadanyja Vašynhtonu i Bruselu dziaržavy. Hetaja struktura adnaznačna pracuje na kanfrantacyju i padzieł, a nie abjadnańnie našaha ahulnaha jeŭrapiejskaha doma», — skazaŭ Anatol Hłaz.

Pavodle jaho, heta ŭžo zusim nie taja arhanizacyja, u jakuju imknułasia trapić Biełaruś 30 hadoŭ tamu. Razhlad padadzienaj Respublikaj Biełaruś zajaŭki na ŭstupleńnie byŭ zamarožany Radaj Jeŭropy jašče ŭ 1990-ja hady. Tym nie mienš, za minułyja hady, pa słovach Hłaza, było zroblena niamała dla raźvićcia ŭzajemavyhadnych adnosin pamiž Biełaruśsiu i Radaj Jeŭropy, realizavany ceły šerah uzajemavyhadnych prajektaŭ.

«Abraŭšy kurs na dyskryminacyju i ŭščamleńnie pravoŭ Respubliki Biełaruś, raźvićcio kantaktaŭ z ekstremistami, jakija zaklikajuć da novych sankcyj i teraktaŭ suprać nasielnictva Biełarusi [absalutnaja chłuśnia nakont teraktaŭ, — NN], Rada Jeŭropy zrabiła ŭsio, kab razburyć dasiahnieńni papiarednich hadoŭ. Na žal, samit u Rejkjaviku i jaho finalnaja dekłaracyja źjaŭlajucca vidavočnym praciaham takoj palityki, — adznačyŭ pres-sakratar.

— Na fonie ŭžo zvykłych abvinavačvańniaŭ i patrabavańniaŭ, jakija nie majuć ničoha ahulnaha z realnaściu, u naš adras absalutna dzikim i niedarečnym vyhladaje tezis ab dačynieńni Biełarusi da nibyta hvałtoŭnaha pieramiaščeńnia ŭkrainskich dziaciej. U suviazi z hetym uźnikaje rytaryčnaje pytańnie: niaŭžo dla jeŭrapiejskich palitykaŭ, jakija vystupajuć za praciah vajny va Ukrainie, zadavalnieńnie ŭłasnych palityčnych ambicyj važniejšaje za žyćci dziasiatkaŭ tysiač dziaciej i ich baćkoŭ, jakija štodnia i štohadziny ryzykujuć zahinuć u zonie bajavych dziejańniaŭ?»

Hłaz dadaŭ, što Biełaruś prymała, prymaje i budzie prymać dziaciej z krain, jakija sutyknulisia z vajennymi, pryrodnymi i technahiennymi kryzisami i katastrofami. Jak heta rabiłasia dla dziaciej ź Japonii paśla avaryi na AES u Fukusimie ŭ 2011 hodzie, dziaciej ź Siryi ŭ pieryjad aktyŭnych bajavych dziejańniaŭ u 2017 hodzie i hetak dalej.

• 0
• 0
• 4
• 3
• 1
• 1
• 5
• 0