U biełaruskaj armii jość usio nieabchodnaje dla abarony krainy — Chrenin
Pra heta zajaviŭ ministr abarony Viktar Chrenin padčas vystupu pierad novym papaŭnieńniem, jakoje pryniało prysiahu ŭ 72-m abjadnanym navučalnym centry ŭ Piačach.
Jak adznačyŭ Viktar Chrenin, tysiačy maładych ludziej prysiahnuli na viernaść biełaruskamu narodu. Na jaho dumku, pryniaćcie vajskovaj prysiahi — važny voinski rytuał. «Z hetaj chviliny hramadzianie našaj krainy daviarajuć vam samaje darahoje — budučyniu i sučasnaść Radzimy. Učarašnija chłopčyki pryniali na siabie abaviazak samaaddana abaraniać niezaležnaść, terytaryjalnuju cełasnaść i kanstytucyjny ład Biełarusi», — cytuje słovy Chrenina BiełTA.
Ministr abarony padkreśliŭ, što na fonie niaprostaj abstanoŭki la biełaruskich miež u krainie zabiaśpiečany mir, stabilnaść, spakoj i zhoda. «I naša zadača i nadalej zabiaśpiečyć hetyja hałoŭnyja pryjarytety», — skazaŭ Chrenin.
Viktar Chrenin taksama zajaviŭ, što abarona Ajčyny — heta śviaty abaviazak hramadzian Biełarusi. «Siońnia biełaruskaja armija maje ŭsio nieabchodnaje dla abarony svajoj krainy. Jana mabilnaja i abstalavanaja samymi sučasnymi ŭzorami ŭzbrajeńnia i vajskovaj techniki. Ale hałoŭnaja kaštoŭnaść — heta ludzi. Tyja, chto siońnia vykonvaje vučebna-bajavyja zadačy, tyja, chto niasie bajavoje dziažurstva», — pierakanany Viktar Chrenin.
Kamientary