U ZŠA paćviardžajuć pośpiechi Ukrainy ŭ rajonie Bachmuta, ale jość i straty
Ukrainskija vojski sustreli bolšy, čym čakałasia, supraciŭ z boku rasijskich vojskaŭ pry sprobie praryvu linii abarony Rasii ŭ rajonie Bachmuta ŭ apošnija dni, ale dasiahnuli pieršych pośpiechaŭ. Pra heta telekanału CNN paviedamili dva amierykanskija čynoŭniki, piša «Jeŭrapiejskaja praŭda».
Pavodle źviestak amierykanskaha boku, ukrainskim vojskam udałosia vycieśnić častku rasijskich siłaŭ na ŭschodzie ŭ rajonie Bachmuta. Adnak rasijanie, uzbrojenyja supraćtankavymi rakietami, hranatamiotami i minamiotami, akazvajuć «žorstki supraciŭ».
Rasijskija siły ŭkapalisia ŭ abarončyja linii, jakija ŭ niekatorych miescach majuć hłybiniu ŭ niekalki słajoŭ i ŭsiejanyja minnymi palami, što, sa słoŭ surazmoŭcaŭ CNN, «naniesła značnuju škodu ŭkrainskaj braniatechnicy».
Adzin z amierykanskich čynoŭnikaŭ nazvaŭ straty «značnymi», udakładniŭšy, što havorka idzie, u pryvatnaści, pra bronietransparciory MRAP, jakija dali Ukrainie ZŠA.
U toj ža čas surazmoŭcy CNN kažuć, što apošnija straty ŭkrainskich sił nie paŭpłyvajuć na bolš maštabnaje zapłanavanaje ŭkrainskaje kontrnastupleńnie.
«Amierykanskija i zachodnija čynoŭniki daŭno čakali, što kontrnastupleńnie zojmie šmat času i pastavić ukrainski piersanał i techniku, u tym liku i sistemy, jakija pastaŭlajucca Zachadam, pad vialikuju ryzyku», — adznačaje telekanał.
Čytajcie taksama:
Na Bachmuckim napramku USU pierajšli ŭ nastup — Minabarony Ukrainy
Straty USU ŭ Bachmucie ŭ siem z pałovaj razoŭ mienšyja, čym u rasijan — Daniłaŭ
-
Prapahandystka Lebiedzieva pachvaliłasia ekskluzivam z Maryupalskaha teatra, jaki Rasija adbudavała z nula, kab schavać ślady vajennaha złačynstva
-
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści
-
Rasijski dron udaryŭ pa aŭtobusie z šachciorami na Dnieprapiatroŭščynie. Zahinuli 15 čałaviek
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści44
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści4
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary