«Sardečnyja zboi zdarajucca praktyčna kožny dzień». Siarhiej Sacuk sustreŭsia ŭ kałonii ź siamjoj
Brat źniavolenaha žurnalista raskazaŭ «Narodnaj Voli» pra spatkańnie Siarhieja Sacuka ź blizkimi.
Siarhiej Sacuk — były hałoŭny redaktar zabłakavanaha internet-partała «Ježiednievnik». Adbyvaje pakarańnie jon u kałonii №15 h. Mahilova.
— Nie tak daŭno brat u kałonii sustreŭsia sa svajoj siamjoj: pryjechali i jaho žonka, i dačka, i ŭnuk, — kaža Alaksandr Sacuk. — Heta, biezumoŭna, była radaść dla ŭsich, sutki Siarhiej pabyŭ razam z rodnymi. Žyli ŭ niejkim pamiaškańni kštałtu internatu. Za sutki choć nahavarylisia. A ŭvohule, Siarhieju ciažka dajecca znachodžańnie ŭ niavoli, tym bolš, što i prablemy sa zdaroŭjem nikudy nie źnikli.
Pavodle Alaksandra, leki, jakija pieradajuć blizkija, ciapier dachodziać da Siarhieja.
— Dziakuj Bohu, u hetym płanie ŭsio narmalizavałasia. Z sercam krychu lepš stała, chacia ŭsio roŭna sardečnyja zboi zdarajucca praktyčna kožny dzień. Ale stan nie krytyčny. Raniej situacyja była naohuł tryvožnaja, — kaža jon.
Siarhieja Sacuka zatrymali 8 śniežnia 2021 hoda. Jaho abvinavacili pa troch artykułach Kryminalnaha kodeksa: «atrymańnie chabaru» (art. 430), «raspalvańnie varožaści» (art. 130), «pieravyšeńnie ŭłady albo słužbovych paŭnamoctvaŭ» (art. 426).
Siarhiej Sacuk byŭ asudžany na 8 hadoŭ źniavoleńnia z adbyćciom pakarańnia ŭ kałonii ŭzmocnienaha režymu.
-
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier
-
Niamiecki deputat, jaki maje pad Lidaj firmu pa pierapracoŭcy cybuli, vyklikaŭ palicyju na žurnalistaŭ i byłoha biełaruskaha viaźnia
-
Rasijskaha błohiera-žančynanienaviśnika zatrymali za «reabilitacyju nacyzmu»
Ciapier čytajuć
«Adny vierać, što viernucca, inšyja — nie». Jak pracuje biełaruskaja škoła ŭ Polščy1
Kamientary