Mody11

10 sukienak biełaruskich brendaŭ, jakija vyratujuć u letniuju śpioku

Pahladzieli, jakija sukienki prapanujuć biełaruskija dyzajniery i vybrali najlepšyja ź ich.

U hetym siezonie ajčynnyja brendy prapanujuć žanockija madeli z naturalnych materyjałaŭ — bavoŭny i lonu. Zastałosia abrać svajo.

Lea Lea

Brescki brend Lea Lea źjaviŭsia ŭ 2013 hodzie i pieršapačatkova ŭjaŭlaŭ saboj nievialikuju dyzajn-studyju. Siońnia jana transfarmavałasia ŭ vytvorčaść poŭnaha cykła — sa svaim šviejnym cecham i kreatyŭnaj kamandaj dyzajnieraŭ. Kalekcyi brestaŭčan možna było ŭbačyć na suśvietnych vystavach fashion-industryi i pakazach Belarus Fashion Week.

Fota: sajt brenda

Hetym letam Lea Lea prapanuje dziaŭčatam lohkija ramantyčnyja ŭbory. Naprykład, hetaja sukienka vykanana z tonkaha bavaŭnianaha batysta. U takoj budzie kamfortna navat u mocnuju śpioku.

Choład

Sarafany ź italjanskaha lonu prapanuje brend «Choład». Dyzajnierka adznačaje, što hetuju madel možna nasić jak z kłasičnym, tak i sa spartyŭnym abutkam. Sukienka z dvuch płastoŭ naturalnaha italjanskaha šoŭku taksama stanie praktyčnym nabyćciom — ź joj možna prydumać mnostva cikavych kamplektaŭ. 

Fota: instahram brenda

10 Motifs

Praciahvajem temu lnianoha adzieńnia cukienkami brenda 10 Motifs. Dyzajnierka marki robić akcent na kamforcie i ekałahičnasci vyrabaŭ, tamu lon idealna padyšoŭ dla raspracoŭki letniej kalekcyi. Adzieńnie z hetaha materyjału nie nahravajecca i zaŭsiody zastajecca prachałodnym — toje, što treba dla letniaj śpioki.

Fota: Instahram brenda

Cikota

Amatarkam niezvyčajnych rečaŭ varta źviarnuć uvahu na sukienku z kantrasnaj ustaŭkaj ad dyzajnierki Kaciaryny Cikoty. Takaja vydatna dapoŭnić harderob aktyŭnaj haradžanki. Hety ŭbor padydzie jak dla zvyčajnaj prahułki, tak i dla sustrečy ź siabrami ci pachodu ŭ ofis, kali vaš pracoŭny dres-kod dazvalaje volny styl.

Fota: instahram brenda

Nataša Curan

U hrodzienskaj dyzajnierki Natašy Curan možna kupić niezvyčajnuju karotkuju sukienku ŭ styli bejbi-doł. Kab nie pierabrać z «dziciačaściu» i nie zrabić vobraz saładžavym, rekamiendujem nasić jaje z brutalnym abo spartovym abutkam.

Fota: instahram brenda

Historia Naturalis

Adčuć sabie lasnoj fiejaj možna ŭ sukiency ź lohkaha viskoznaha pałatna brenda Historia Naturalis. Modny dyzajn i niezvyčajny kroj hetaha ŭboru adrazu ž vyłučyć vas z natoŭpu. 

Fota: instahram brenda

Kardash

Ilnianuju maksi-sukienku z tonkaj vyšyŭkaj ryšelje, kišeniami ŭ bakavych švach i adkrytaj śpinkaj prapanuje dyzajnierka Volha Kardaš

Fota: sajt brenda

Elema

My nie mahli abyści bokam i mastadonta biełaruskaha modnaha rynku — «Elemu». Na sajcie marki my znajšli sukienku, jakaja vartaja ŭvahi: ubor na tonkich šlejkach vykanany z sumiesi bavoŭny z ełastanam — takaja tkanina praktyčna nie mniecca, a tamu zručnaja ŭ našeńni. Asabliva dobra hladzicca madel u čornym kolery — takuju ​​možna nasić nie tolki ŭletku, ale i ŭ chałodnuju paru, spałučajučy jaje z kašulami i holfami.

Fota: sajt brenda

Kamientary1

  • Caślar
    20.07.2023
    Heta tyja žuki, što łejbły H&M pierałuplajuć i staviać svaju “dyzajnierskuju” canu?
    Ci viarnuŭsia toj dziejač z 10Motifs da žonki ŭ vyniku, moža chto viedaje?

Ciapier čytajuć

Čamu my prajhrali ŭ 2020 hodzie? Razvahi Mikoły Dziadka

Mierkavańniabmiarkoŭvajcie!

Čamu my prajhrali ŭ 2020 hodzie? Razvahi Mikoły Dziadka

Usie naviny →
Usie naviny

Nastaŭnica ŭ Paŭdniovaj Karei zabiła vaśmihadovuju vučanicu. Heta trahiedyja šakavała ŭsiu krainu5

Kłub ź vioski na 1500 čałaviek upieršyniu staŭ čempijonam Šviecyi pa futbole2

«Rabotnikaŭ z Afryki adpraŭlajuć na kuchniu». Čym zajmajucca pracoŭnyja mihranty ŭ Biełarusi i adkul jeduć?18

Tramp znoŭ zajaviŭ, što Ukraina moža vyjhrać u vajnie. Ale nie dumaje, što vyjhraje12

DAI prapanuje zamianić nievialikija maršrutki aŭtobusami bolšaj umiaščalnaści9

«Asnoŭny instrumient — hienietyčnaja ekśpiertyza». U Śledčym kamitecie raskazali, jak raskryvajuć zabojstvy daŭno minułych hadoŭ3

U adkrytym dostupie apublikavali bazu 4000 štatnych supracoŭnikaŭ KDB, imiony ahientaŭ i infarmataraŭ nie nazyvajuć32

U Viciebsku ładziać ekskursii ŭ prapahandyscki centr rasijskaha militaryzmu FOTAFAKT5

U Łojevie pradajuć budynak, u jakim mieścicca adzinaja pošta. A što budzie ź joj samoj?

bolš čytanych navin
bolš łajkanych navin

Čamu my prajhrali ŭ 2020 hodzie? Razvahi Mikoły Dziadka

Mierkavańniabmiarkoŭvajcie!

Čamu my prajhrali ŭ 2020 hodzie? Razvahi Mikoły Dziadka

Hałoŭnaje
Usie naviny →

Zaŭvaha:

 

 

 

 

Zakryć Paviedamić