Muž Mierkiel pakinuŭ jaje moknuć pad daždžom u viačernim stroi FOTAFAKT
U Bajrajcie pačaŭsia štohadovy fiestyval muzyki Rycharda Vahniera. Jon adkryŭsia ŭ aŭtorak novaj pastanoŭkaj opiery «Parsifal».
Pierad samaj premjeraj na bavarski horad abrynułasia zaleva. Hości ŭ viačernich strojach, siarod jakich šmat znakamitych palitykaŭ, byli vymušanyja dabiracca ad mašyny da ŭvachoda ŭ teatr pad praliŭnym daždžom, piša Bild.
Žurnalist źviartaje ŭvahu na toje, što mnohija palityki razharnuli parason tolki nad saboj, pakinuŭšy dam moknuć pad daždžom.
Miarkujučy pa fatahrafijach, mienavita tak zrabiŭ Jochan Zaŭer, muž eks-kanclera Anhieły Mierkiel. Tym ža adznačyŭsia i premjer-ministr Bavaryi Markus Zieder, jaki pakinuŭ pad daždžom svaju žonku Karyn.
Da ich dałučyŭsia i kiraŭnik partyi «Cvabodnyja vybarščyki» Chubiert Ajvanhier. A voś pradstaŭniki partyi «Sajuz 90/Zialonyja» Rykarda Łanh i Kataryna Šulce, naadvarot, trymali parason tak, kab uratavać i svaich spadarožnikaŭ.
Kamientary