У Байрайце пачаўся штогадовы фестываль музыкі Рыхарда Вагнера. Ён адкрыўся ў аўторак новай пастаноўкай оперы «Парсіфаль».
Перад самай прэм'ерай на баварскі горад абрынулася залева. Госці ў вячэрніх строях, сярод якіх шмат знакамітых палітыкаў, былі вымушаныя дабірацца ад машыны да ўвахода ў тэатр пад праліўным дажджом, піша Bild.
Журналіст звяртае ўвагу на тое, што многія палітыкі разгарнулі парасон толькі над сабой, пакінуўшы дам мокнуць пад дажджом.
Мяркуючы па фатаграфіях, менавіта так зрабіў Ёхан Заўэр, муж экс-канцлера Ангелы Меркель. Тым жа адзначыўся і прэм'ер-міністр Баварыі Маркус Зедэр, які пакінуў пад дажджом сваю жонку Карын.
Да іх далучыўся і кіраўнік партыі «Cвабодныя выбаршчыкі» Хуберт Айвангер. А вось прадстаўнікі партыі «Саюз 90/Зялёныя» Рыкарда Ланг і Катарына Шульцэ, наадварот, трымалі парасон так, каб уратаваць і сваіх спадарожнікаў.
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку32
Каментары